<p><strong>

</strong>മുംബൈ: സാധാരണ നിക്ഷേപകരും വിദേശ സ്ഥാപനങ്ങളും ലോങ് പൊസിഷനുകള്‍ക്ക് ശ്രമിക്കാന്‍ തുടങ്ങിയതോടെ ഓഹരി വിപണിയില്‍ പുത്തന്‍ ഉണര്‍വ്. യൂറോപ്യന്‍ മാര്‍ക്കറ്റില്‍ നിന്നുള്ള അനുകൂല വാര്‍ത്തകളും ഈ കുതിപ്പിന്റെ വേഗത കൂട്ടി.</p> <p>ദിശയറിയാത്ത വിപണിയില്‍ ഷോര്‍ട്ട് ചെയ്യുകയോ ഷോര്‍ട്ട് ടേം വാങ്ങലുകള്‍ നടത്തുകയോ മാത്രം ചെയ്തിരുന്നവര്‍ ദീര്‍ഘവീക്ഷത്തോടെ ഓഹരികള്‍ വാങ്ങികൂട്ടാന്‍ ശ്രമിക്കുന്നത് ശുഭസൂചനയായാണ് പരിഗണിക്കേണ്ടത്.</p> <p>റിലയന്‍സ് കമ്യൂണിക്കേഷന്‍ ലിമിറ്റഡ്, ഇന്ത്യാബുള്‍സ് റിയല്‍ എസ്റ്റേറ്റ്, ഇഐഎച്ച് ലിമിറ്റഡ്, വോള്‍ട്ടാസ് ലിമിറ്റഡ്, എച്ച്ഡിഐഎല്‍ ഓഹരികള്‍ മികച്ച നേട്ടമുണ്ടാക്കി.</p> <p>മുന്നേറ്റത്തിനിടയിലും പിഡിലൈറ്റ് ഇന്‍ഡസ്ട്രീസ്, കാഡിലാ ഹെല്‍ത്ത് കെയര്‍, യുനൈറ്റഡ് സ്പിരിറ്റ്‌സ്, പിപ്‌വാവ് ഡിഫന്‍സ്, സീ എന്റര്‍ടെയ്ന്‍മെന്റ് ഓഹരികള്‍ നേരിയ നഷ്ടത്തില്‍ വില്‍പ്പന അവസാനിപ്പിച്ചു.</p> <p>കേരളത്തില്‍ നിന്നുള്ള മണപ്പുറം ചൊവ്വാഴ്ചയും കുതിപ്പ് തുടര്‍ന്നു. 3.67 ശതമാനം നേട്ടത്തോടെ 33.90ലാണ് ക്ലോസ് ചെയ്തത്. 20 ദിവസം മുമ്പ് 21 രൂപ മാത്രം വിലയുണ്ടായിരുന്ന ഓഹരിയാണിത്.</p>