<p><strong>

</strong>ദിവസത്തിന്റെ അധികനേരവും നഷ്ടത്തിലൂടെ നീങ്ങിയ ഓഹരി വിപണി ലാഭത്തില്‍ ക്ലോസ് ചെയ്തു. ആറു ദിവസത്തെ തുടര്‍ച്ചയായ നഷ്ടത്തിനുശേഷമാണ് സെന്‍സെക്‌സിലും നിഫ്റ്റിയിലും പച്ചക്കത്തിയത്. മുംബൈ സൂചിക 79.71 പോയിന്റ് ലാഭത്തോടെ 17185.01ലും ദേശീയ സൂചിക 23.45 നേട്ടത്തോടെ 5216.30ലും ക്ലോസ് ചെയ്തു.</p> <p>പാന്റലൂണ്‍ റീട്ടെയില്‍, ഫിനാന്‍ഷ്യല്‍ ടെക്‌നോളജി, ടാറ്റാ കമ്യൂണിക്കേഷന്‍സ്, സെഞ്ച്വറി ടെക്‌സ്‌റ്റൈല്‍സ്, ജിഎംആര്‍ ഇന്‍ഫ്രാസ്ട്രക്ചര്‍ എന്നീ ഓഹരികള്‍ ആറുശതമാനത്തോളം നേട്ടമുണ്ടാക്കി. പൊതുമേഖലാ ബാങ്കുകള്‍ക്കാണ് ഏറ്റവുംകൂടുതല്‍ തിരിച്ചടിയേറ്റത്. യൂനിയന്‍ ബാങ്ക് ഓഫ് ഇന്ത്യ, പഞ്ചാബ് നാഷണല്‍ ബാങ്ക്, ഓറിയന്റല്‍ ബാങ്ക് ഓഫ് ഇന്ത്യ, ഇന്ത്യന്‍ ബാങ്ക് ഓഹരികള്‍ താഴേക്കിറങ്ങി. മരുന്നു കമ്പനികളുടെ കൂട്ടത്തില്‍ ഗ്ലെന്‍മാര്‍ക്കിനും തിരിച്ചടിയേറ്റു.</p> <p><br />5.20 ശതമാനത്തോളം നേട്ടമുണ്ടാക്കിയ ബജാജ് ഓട്ടോയുടെ പ്രകടനമാണ് എടുത്തുപറയേണ്ടത്. 75.20 രൂപയുടെ നേട്ടമാണ് ഒരൊറ്റ ദിവസം കൊണ്ടുണ്ടാക്കിയത്. കഴിഞ്ഞ കുറെ ദിവസമായി തിരിച്ചടി നേരിട്ടുകൊണ്ടിരിക്കുന്ന മെറ്റല്‍ മേഖലയില്‍ പുത്തന്‍ ഉണര്‍വ് ദൃശ്യമായി. ജിന്‍ഡാല്‍ സ്റ്റീല്‍ ആന്റ് പവര്‍ ലിമിറ്റഡ് 2.67 ശതമാനം നേട്ടത്തോടെ 426.55ലാണ് ക്ലോസ് ചെയ്തത്.</p>