ഇന്‍ഫോസിസും ജിന്‍ഡാലും ഇടിഞ്ഞു

</strong>മുംബൈ: രാഷ്ട്രീയ സമവായത്തിലെത്താന്‍ സാധിക്കാത്തതിനാല്‍ കേന്ദ്രസര്‍ക്കാറിന് പരിഷ്‌കരണ നടപടികളുമായി മുന്നോട്ടുപോകാനാവില്ലെന്ന വെളിപ്പെടുത്തല്‍ ഓഹരി വിപണിയെ പ്രതികൂലമായി ബാധിച്ചു. മറ്റു ഏഷ്യന്‍ വിപണികളില്‍ നിന്നുള്ള പ്രതികരണവും ആശാവഹമായിരുന്നില്ല. സെന്‍സെക്‌സ് 72.03 പോയിന്റ് താഴേക്കിറങ്ങി 16846.05ലും നിഫ്റ്റി 18.60 ഇടിഞ്ഞ് 5109.60ലും ക്ലോസ് ചെയ്തു.</p> <p>വര്‍ധിപ്പിച്ച പെട്രോള്‍വില കുറയ്ക്കണമെന്നും ഡീസലിന് വില വര്‍ധിപ്പിക്കരുതെന്നും യുപിഎ ഘടകകക്ഷിയായ തൃണമൂല്‍ കോണ്‍ഗ്രസ് ആവശ്യപ്പെട്ടിട്ടുണ്ട്.</p> <p>ഇന്ത്യയിലെ ഏറ്റവും വലിയ ഐടികമ്പനികളിലൊന്നായ ഇന്‍ഫോസിസ് 52 ആഴ്ചയിലെ ഏറ്റവും താഴ്ന്ന ഉയരമായ 2150 തൊട്ടതും നിക്ഷേപകരെ സ്വാധീനിച്ചു. ജിന്‍ഡാല്‍ സ്റ്റീല്‍ ആന്റ് പവര്‍ ലിമിറ്റഡ് 4.33 ശതമാനത്തോളം താഴേക്കിറങ്ങി 396.75ലാണ് വില്‍പ്പന അവസാനിപ്പിച്ചത്. ടാറ്റാ സ്റ്റീല്‍ പത്ത് പോയിന്റോളം താഴ്ന്ന് 387.45ലാണ് ക്ലോസ് ചെയ്തത്.</p> <p>ശതമാനകണക്കുനോക്കുകയാണെങ്കില്‍ യുനൈറ്റഡ് ബ്രിവറീസ് ലിമിറ്റഡ്, എച്ച്‌സിഎല്‍ ടെക്‌നോളജീസ്, ശ്രീ സിമന്റ്, സീ എന്റര്‍പ്രൈസസ്, ഹെക്‌സാവെയര്‍ ടെക്‌നോളജീസ് തുടങ്ങിയ ഓഹരികള്‍ നേട്ടമുണ്ടാക്കി. ലാന്‍കോ ഇന്‍ഫ്രാടെക്, ടോറന്റ് പവര്‍ ലിമിറ്റഡ്, ജിന്‍ഡാല്‍ സ്റ്റീല്‍ ആന്റ് പവര്‍, ഇന്ത്യാബുള്‍സ് ഫിന്‍സര്‍വീസ്, എല്‍ഐസി ഹൗസിങ് ഫിനാന്‍സ് ലിമിറ്റഡ് തുടങ്ങിയ കമ്പനികള്‍ക്ക് കനത്ത തിരിച്ചടിയേറ്റു.</p>