Subscribe to GoodReturns Malayalam
For Quick Alerts
For Daily Alerts
<p><strong>
</strong>മുംബൈ: തകര്ച്ചയോടെ തുടങ്ങിയ വിപണി യൂറോപ്യന് വിപണിയുടെ കരുത്തില് ഉയര്ത്തെഴുന്നേറ്റ് നേരിയ നഷ്ടത്തില് ക്ലോസ് ചെയ്തു. കടക്കെണിയില് നിന്നു രക്ഷനേടാന് പുതിയ പാക്കേജുകള് മുന്നോട്ടുവെയ്ക്കുന്നതില് യൂറോപ്യന് സെന്ട്രല് ബാങ്ക് വരുത്തിയ അമാന്തമായിരുന്നു വിപണിയ്ക്ക് തിരിച്ചടിയായത്.</p>
<p>ഇന്ത്യ വരള്ച്ചയിലേക്ക് നീങ്ങുകയാണെന്ന റിപ്പോര്ട്ട് പൊതുമേഖലാ ബാങ്ക് ഓഹരികളെ പ്രതികൂലമായി ബാധിച്ചു. കോടിക്കണക്കിന് രൂപയുടെ കാര്ഷികലോണുകളുടെ തിരിച്ചടവ് വൈകുമെന്ന കണക്കുകൂട്ടലാണ് ഈ ഓഹരികള് വിറ്റഴിക്കാന് നിക്ഷേപകരെ പ്രേരിപ്പിച്ചത്.</p>
<p>സെന്സെക്സ് 26.43 പോയിന്റ് താഴ്ന്ന് 17197.93ലും ദേശീയ സൂചികയായ നിഫ്റ്റി 12.05 പോയിന്റ് കുറഞ്ഞ് 5215.70ലും ക്ലോസ് ചെയ്തു. ചാഞ്ചാട്ടത്തിനിടയില് ടെക് മഹീന്ദ്ര ലിമിറ്റഡ്, എംആര്എഫ് ലിമിറ്റഡ്, ഒറാക്കിള് ഫിനാന്ഷ്യല് സര്വീസസ്, ഗ്ലെന്മാര്ക്ക് ഫാര്മ, കാസ്ട്രോള് ഇന്ത്യ ഓഹരികള് നേട്ടമുണ്ടാക്കി.</p>
<p>റൂറല് ഇലക്ട്രിഫിക്കേഷന്, മണപ്പുറം ഫിനാന്സ്, പാന്റലൂണ് റിട്ടെയില്, അദാനി എന്റര്പ്രൈസസ്, ഇന്ത്യാബുള്സ് റിയല് എസ്റ്റേറ്റ് ഓഹരികള്ക്ക് നാലുശതമാനത്തോളം നഷ്ടമുണ്ടായി</p>
English summary