<p><strong>

</strong>കേരളം ആസ്ഥാനമായി പ്രവര്‍ത്തിക്കുന്ന വണ്ടര്‍ലാ ഹോളിഡേയ്‌സിന്റെ ഐപിഒ വരുന്നു. ഹൈദ്രാബാദില്‍ പുതുതായി നിര്‍മ്മിക്കാനൊരുങ്ങുന്ന അമ്യൂസ്‌മെന്റിനുള്ള പണം കണ്ടെത്തുന്നതിനുവേണ്ടിയാണ് 25 ശമതാനം ഓഹരികള്‍ വിപണിയിലെത്തിക്കുന്നത്. നിലവില്‍ കമ്പനിക്ക് 1000 കോടി രൂപയുടെ ആസ്തിയുണ്ട്.</p> <p>നിലവില്‍ കേരളത്തിലും ബാംഗ്ലൂരിലും കമ്പനിക്ക് അമ്യൂസ്‌മെന്റ് പാര്‍ക്കുകളുണ്ട്. അടുത്ത സാമ്പത്തികവര്‍ഷത്തെ ആദ്യ ക്വാര്‍ട്ടറില്‍ തന്നെ ഐപിഒ വിപണിയിലെത്താന്‍ സാധ്യതയുണ്ട്.</p> <p>അമ്യൂസ്‌മെന്റ് പാര്‍ക്കിനായി ഹൈദ്രാബാദ് വിമാനത്താവളത്തിനടുത്ത് 50 ഏക്കറോളം ഭൂമി കമ്പനി ഇതിനകം വാങ്ങിയിട്ടുണ്ട്. 2014ഓടെ പാര്‍ക്കിന്റെ നിര്‍മാണം പൂര്‍ത്തിയാക്കുകയാണ് ലക്ഷ്യം.</p> <p>ഉത്തരേന്ത്യയിലേക്കും പ്രവര്‍ത്തനം വ്യാപിപ്പിക്കുമെന്ന് വണ്ടര്‍ലാ എംഡി അരുണ്‍ കെ ചിറ്റിലപിള്ളി അറിയിച്ചു.</p>