ക്യാഷ് ഡിപ്പോസിറ്റ് മെഷിനാണ് സിഡിഎം. രാജ്യത്തെ പ്രമുഖ ബാങ്കുകളെല്ലാം ബ്രാഞ്ചുകളില് ഈ മെഷിന് സ്ഥാപിച്ചു വരികയാണ്. പലപ്പോഴും ക്യാഷ് കൗണ്ടറിനു മുന്നിലുള്ള നീണ്ട ക്യൂ നിങ്ങളെ ബോറടിപ്പിക്കാറില്ലേ?
പണം അടയ്ക്കാനുള്ള സ്ലിപ് തിരഞ്ഞു നടക്കണം, പിന്നെ അതിലെ ഓരോ കാര്യങ്ങളും കൃത്യമായി പൂരിപ്പിക്കണം. നോട്ടുകള് എണ്ണി എല്ലാം ശരിയായി രേഖപ്പെടുത്തണം. ഈ കംപ്യൂട്ടര് യുഗത്തിലും ഇത്രയേറെ പണിയെടുത്ത് പണം നിക്ഷേപിക്കുന്നത് ഏറെ ബുദ്ധിമുട്ടാണ്.
എന്നാല് ക്യാഷ് ഡിപ്പോസിറ്റ് മെഷിന്റെ വരവോട് സംഗതികളെല്ലാം എളുപ്പമായി. ഏത് സമയത്തും പണം നിക്ഷേപിക്കാം. അക്കൗണ്ടില് ആ സമയത്തു തന്നെ പണം ക്രെഡിറ്റാകും. പക്ഷേ, ചില അടിസ്ഥാന കാര്യങ്ങള് മനസ്സിലാക്കണം.
പരമാവധി 200 നോട്ടുകള് മാത്രമാണ് ഒരു തവണ മെഷിന് സ്വീകരിക്കുകയുള്ളൂ. 100, 500, 1000 നോട്ടുകള് മാത്രം. ചില ബാങ്കുകള് ഇത്തരത്തില് ഒരു ദിവസം നിക്ഷേപിക്കാവുന്ന പണത്തിന് പരിധി വെച്ചിട്ടുണ്ട്. പാന് കാര്ഡ് നല്കിയാല് എത്ര പണം വേണമെങ്കിലും നിക്ഷേപിക്കാന് അനുവദിക്കുന്ന ബാങ്കുകളുണ്ട്. ഒരോ തവണയും 200 നോട്ടുകള് വീതം വെയ്ക്കണമെന്നു മാത്രം.