ജപ്പാന്‍ സമ്പദ് വ്യവസ്ഥ വീണ്ടും മാന്ദ്യത്തില്‍. സെപ്റ്റംബര്‍ പാദത്തിലെ വളര്‍ച്ചയില്‍ 0.8 ശതമാനത്തിന്റെ ഇടിവ് രേഖപ്പെടുത്തി. തുടര്‍ച്ചയായ രണ്ടു പാദങ്ങളില്‍ ഇടിവു നേരിട്ടതോടെയാണ് സാങ്കേതികമായി ജപ്പാന്‍ സമ്പദ് വ്യവസ്ഥ വീണ്ടും മാന്ദ്യത്തിലെത്തിയിരിക്കുന്നത്. 2014 ഏപ്രിലിലാണ് ജപ്പാന്‍ ഇതിന് മുമ്പ് സമാനമായ പ്രതിസന്ധി നേരിട്ടത്

ചരക്ക് നീക്കത്തിലുണ്ടായ വന്‍ തകര്‍ച്ചയാണ് മൂന്നാം പാദത്തിലെ ഇടിവിന് കാരണം. നിക്ഷേപത്തില്‍ ഇടിവ് നേരിട്ടതും ലോകത്തിലെ മൂന്നാമത്തെ വലിയ സാമ്പത്തിക ശക്തിയായ ജപ്പാന്റെ വളര്‍ച്ചയെ ബാധിച്ചതായി സര്‍ക്കാര്‍ വ്യക്തമാക്കുന്നു. തൊട്ടു മുന്‍പത്തെ പാദത്തില്‍ 0.7 ശതമാനത്തിന്റെ ഇടിവ് നേരിട്ടിരുന്നു.

മികച്ച ലാഭം നേടുന്ന സാഹചര്യത്തിലും വേതനം ഉയര്‍ത്തുന്നതില്‍ കമ്പനികള്‍ വിമുഖത കാണിക്കുന്നതും തിരിച്ചടിയായിരിക്കുകയാണ്. വരും നാളുകളില്‍ ചൈനയിലെ മാന്ദ്യം ജപ്പാന്റെ വളര്‍ച്ചയില്‍ പ്രതിഫലിക്കുമെന്നും മിതമായ തോതില്‍ മാത്രമായിരിക്കും വളര്‍ച്ചയെന്നും വിദഗ്ധര്‍ പറയുന്നത്

സമ്പദ് വ്യവസ്ഥയെ രക്ഷിക്കാന്‍ പുതിയ ഉത്തേജക പാക്കേജുകള്‍ പ്രഖ്യാപിക്കാന്‍ നിര്‍ബന്ധിതമായിരിക്കുകയാണ്. അതേസമയം മാന്ദ്യം നിലനില്‍ക്കുന്നുണ്ടെങ്കിലും സമ്പദ് വ്യവസ്ഥ പതുക്കെ മെച്ചപ്പെടുന്നുണ്ടെന്നും സര്‍ക്കാരവൃത്തങ്ങള്‍ പറയുന്നു.ഉപഭോഗവും കയറ്റുമതിയും വര്‍ധച്ചത് സമ്പദ് വ്യവസ്ഥയില്‍ ഉണര്‍വുണ്ടാക്കിയിട്ടുണ്ട്. നിലവിലെ സാഹചര്യത്തില്‍ കേന്ദ്രബാങ്കായ ബാങ്ക് ഓഫ് ജപ്പാന്‍ പലിശ നിരക്കുകളില്‍ മാറ്റം വരുത്താനിടയില്ല.