നിങ്ങള്‍ അറിഞ്ഞോ ബാങ്കിന്റെ ശാഖകളില്‍ നിന്നുള്ള സേവനങ്ങളെല്ലാം എടിഎം വഴി ലഭിക്കുമത്രേ. പുതിയ എടിഎമ്മുകള്‍ക്ക് അതിനുകഴിയും ന്നൊമ് പറഞ്ഞു വരുന്നത്. ക്രഡിറ്റ് കാര്‍ഡുകള്‍ക്ക് അപേക്ഷ നല്‍കുക, വായ്പയെടുക്കുക ഇവയെല്ലാം ഇനി എടിഎം വഴി നിര്‍വഹിക്കാം.

എടിഎം വഴിയുള്ള ഇത്തരം സേവനങ്ങള്‍ക്ക് ആര്‍ബിഐ അനുമതി നല്‍കി. മുന്‍നിര സ്വകാര്യ ബാങ്കുകളുടെ നിര്‍ദേശം പരിഗണിച്ചാണ് ആര്‍ബിഐ ഇവയ്ക്ക് ഇത്തരമൊരു അനുമതി നല്‍കിയിരിക്കുന്നത്.പണം നിക്ഷേപിക്കുക, പിന്‍വലിക്കുക, ബാലന്‍സ് നോക്കുക, പണമിടപാട് നടത്തുക, പിന്‍ മാറ്റുക, ചെക്ക് ബുക്കിന് അപേക്ഷിക്കുക,ബില്ലടയ്ക്കുക, റെയില്‍വേ ടിക്കറ്റ് എടുക്കുക തുടങ്ങിയവയ്ക്കാണ് നിലവില്‍എടിഎമ്മുകളില്‍സൗകര്യമുള്ളത്.

രാജ്യത്ത് വിവിധ ബാങ്കുകളുടേതായി 1.9 ലക്ഷം എടിഎമ്മുകളാണുള്ളത്. എസ്ബിഐയ്ക്കാണ് ഏറ്റവുംകൂടുതല്‍ 47,857 എണ്ണം. ഐസിഐസിഐ ബാങ്കിന് 13,088ഉം ആക്‌സിസ് ബാങ്കിന് 12,440 ഉം യന്ത്രങ്ങളുണ്ട്.എച്ച്ഡിഎഫ്‌സി(11,795), ബാങ്ക് ഓഫ് ബറോഡ(9,680), കാനാറ ബാങ്ക് (9,140), പിഎന്‍ബി(8,715), ബാങ്ക് ഓഫ് ഇന്ത്യ (7,740), യൂണിയന്ബാങ്ക് ഓഫ് ഇന്ത്യ (6,910), സെന്‍ട്രല്‍ ബാങ്ക് (5,062) എന്നിങ്ങനെയാണ് എടിഎമ്മുകളുള്ളത്