ന്യൂഡല്‍ഹി: ഇന്‍കം ടാക്‌സ് റിട്ടേണ്‍സ് ഇഫയലിങ് ഈയാഴ്ച ആരംഭിക്കും. നികുതി ദായകര്‍ക്ക് അവരുടെ വാര്‍ഷിക വരുമാനം കണക്കാക്കി നികുതി അടയ്ക്കുന്നത് എളുപ്പമാക്കാന്‍ ഇന്‍കം ടാക്‌സ് ഡിപ്പോര്‍ട്ട് മെന്റ് ടാക്‌സ് കാല്‍ക്കുലേറ്റര്‍ ആരംഭിച്ചു.ജൂലൈ 31നുള്ളില്‍ നികുതിദായകര്‍ക്ക് വിവരങ്ങള്‍ സമര്‍പ്പിക്കാവുന്നതാണ്.

അടയ്ക്കാനുള്ള നികുതി നികുതിദായകര്‍ക്ക് ഓണ്‍ലൈനിലൂടെ പരിശോധിക്കാന്‍ ഇതിലൂടെ സാധിക്കും. വ്യക്തികളുടെ വിവരങ്ങള്‍ കൃത്യമായി നല്‍കിയ ശേഷം വിവരങ്ങള്‍ രേഖപ്പെടുത്താവുന്നതാണ്. ഐടിആര്‍ 1, ഐടിആര്‍ 4 എന്നിവയില്‍ പെടുന്ന നികുതിദായകര്‍ക്ക് ഈ സൗകര്യം ഈയാഴ്ച തന്നെ ഉപയോഗിച്ചു തുടങ്ങാവുന്നതാണ്. മറ്റുള്ളവരുടെതും വൈകാതെ ആരംഭിക്കും.വ്യക്തികള്‍ക്കും കോര്‍പ്പറേറ്റുകള്‍ക്കും ടാക്‌സ് കാല്‍ക്കുലേറ്റര്‍ പ്രയോജനപ്പെടുത്താവുന്നതാണ്.

വരുമാനകണക്കുകള്‍ കൃത്യമായി നല്‍കുന്നതിനനുസരിച്ച് അടയ്‌ക്കേണ്ട നികുതിയുടെ വിവരങ്ങളും ഇതിലൂടെ അറിയാന്‍ സാധിക്കും. വിവിധ മേഖലകളില്‍നിന്ന് വരുമാനമുള്ളവര്‍ കാല്‍ക്കുലേറ്റര്‍ മുഖേന വിവരങ്ങള്‍ നല്‍കുമ്പോള്‍ പ്രത്യേകം ശ്രദ്ധിക്കണമെന്നും ടാക്‌സ് ഡിപ്പാര്‍ട്ട്‌മെന്റ് ഓര്‍മപ്പെടുത്തുന്നു.