ന്യൂഡല്‍ഹി: ശമ്പള വരുമാനക്കാരായ നികുതി ദായകര്‍ക്ക് നികുതി ആനുകൂല്യം നേടാന്‍ വേണ്ട പുതിയ മാര്‍ഗനിര്‍ദേശങ്ങള്‍ ആദായ നികുതി വകുപ്പ് പുറത്തിറക്കി.

വീട്ടുവാടക അലവന്‍സ്, ഭവനവായ്പ പലിശ,എല്‍ടിഎ തുടങ്ങിയവയ്ക്ക് നികുതിയിളവ് ലഭിക്കുന്നതിനാണ് പുതിയ ഫോമും നിര്‍ദേശങ്ങളും പുറത്തുവിട്ടത്.2016 ജൂണ്‍ ഒന്നുമുതല്‍ നിര്‍ദേശങ്ങള്‍ പ്രാബല്യത്തില്‍ വരും.

ഇപ്രകാരം ലീവ് ട്രാവല്‍ അലവന്‍സിനുള്ള നികുതി ആനുകൂല്യം ലഭിക്കണമെങ്കില്‍ യാത്രചെയ്തതിന്റെ തെളിവിനൊപ്പം ഫോം 12ബിബിയും നല്‍കണം.

ഒരു ലക്ഷം രൂപയ്ക്കുമുകളില്‍ വാടക നല്‍കുന്നവര്‍ വീട്ടുവാടക അലവന്‍സിനുള്ള നികുതിയിളവിന് അപേക്ഷിക്കുമ്പോള്‍ വീട്ടുടമയുടെ പേര്, വിലാസം, പാന്‍ നമ്പര്‍ എന്നിവയടക്കം അപേക്ഷിക്കണം.ഭവനവായ്പയുടെ പലിശയ്ക്ക് ആനുകൂല്യം ലഭിക്കണമെങ്കില്‍ വായ്പാദാതാവിന്റെ പേര്, വിലാസം, പാന്‍ വിവരങ്ങള്‍ തുടങ്ങിയവയും നല്‍കണം.