ന്യൂഡല്‍ഹി: ഗോള്‍ഡ് മോണിറ്റൈസേഷന്‍ പദ്ധതിയില്‍ ഇതുവരെ എട്ട് ക്ഷേത്രങ്ങള്‍ നിക്ഷേപംനടത്തി.

പദ്ധതിയില്‍ ഇതുവരെ 2,820 കിലോഗ്രാം സ്വര്‍ണമാണ് സമാഹരിക്കാന്‍ കഴിഞ്ഞതെന്ന് കേന്ദ്ര ധനവകുപ്പ് സഹമന്ത്രി ജയന്ത് സിന്‍ഹ ലോക്സഭയില്‍ പറഞ്ഞു. പദ്ധതിയില്‍ നിക്ഷേപിക്കുന്നതിന് ക്ഷേത്രങ്ങളെ നിര്‍ബന്ധിക്കില്ലെന്നും അദ്ദേഹം കൂട്ടിച്ചേര്‍ത്തു.

നിക്ഷേപങ്ങള്‍ ഏറെയും തമിഴ്നാട്ടില്‍നിന്നുള്ളവയാണ്. മഹാരാഷ്ട്രയില്‍നിന്ന് രണ്ടു ക്ഷേത്രങ്ങളും ജമ്മു കാശ്മീരില്‍ നിന്നും ആന്ധ്രയില്‍ നിന്നും ഒന്നു വീതം ക്ഷേത്രങ്ങളുമാണ് പദ്ധതിയില്‍ നിക്ഷേപിച്ചത്.

രാജ്യത്തെ വീടുകളിലും ക്ഷേത്രങ്ങളിലുമായി ശേഖരത്തിലുള്ള ടണ്‍ കണക്കിന് സ്വര്‍ണം ക്രയവിക്രിയം നടത്തുന്നതിനായാണ് ഗോള്‍ഡ് മോണിറ്റൈസേഷന്‍ പദ്ധതി പരിഷ്‌കാരങ്ങള്‍ കൊണ്ടുവന്നത്.