തൃശൂര്‍ : തൃശൂര്‍ ആസ്ഥാനമായുള്ള ധനലക്ഷ്മി ബാങ്കിനു മേല്‍ റിസര്‍വ് ബാങ്കിന്റെ നിരീക്ഷണം ശക്തമാക്കി. ബാങ്കിന്റെ പ്രവര്‍ത്തനം അവതാളത്തിലായ അവസരത്തിലാണ് റിസര്‍വ് ബാങ്ക് നടപടി ശക്തമാക്കിയത്.ഇതിന്റെ ഭാഗമായി ബാങ്കിന്റെ ഡയറക്ടര്‍ ബോര്‍ഡില്‍ ആര്‍.ബി.ഐ. പ്രാതിനിധ്യം ശക്തമാക്കി.

ബാങ്കിന്റെ ബിസിനസില്‍ വന്‍ ഇടിവുണ്ട്. തുടര്‍ച്ചയായ മൂന്നാമത്തെ വര്‍ഷത്തിലും ബാങ്ക് നഷ്ടത്തിലേക്കാണ് നീങ്ങുന്നത്. ബാങ്കിന്റെ കിട്ടാക്കടവും അധികമാണ്. 2015 2015 ഡിസംബറില്‍ അവസാനിച്ച പാദത്തില്‍ വായ്പയുടെ 9.69 ശതമാനമാണ് മൊത്തം കിട്ടാക്കടം. ഒരു വര്‍ഷം മുമ്പ് കിട്ടാക്കടത്തിനായി കൂടുതല്‍ തുക വകയിരുത്തിയിരുന്നു എന്നിട്ടും കിട്ടാക്കടം ഉയര്‍ന്നു.

പ്രമുഖ വ്യവസായിയും ഓഹരി ഉടമയുമായ രവി പിള്ള, മുന്‍ ചീഫ് സെക്രട്ടറിയും മലയാളം സര്‍വകലാശാല വൈസ് ചാന്‍സലറുമായ കെ.ജയകുമാര്‍ എന്നിവര്‍ ഡയറക്ടര്‍ ബോര്‍ഡില്‍ നിന്ന്് രാജി വെച്ചിരുന്നു.