ന്യൂഡല്‍ഹി: റിസര്‍വ് ബാങ്കിന്റെ പണവായ്പാ അവലോകനനയം ഇന്നു നടക്കും. ആര്‍ബിഐ ഇന്ന് പുതിയ പണ,വായ്പാ നയം പ്രഖ്യാപിക്കും.

പണപ്പെരുപ്പനിരക്കില്‍ നേരിയ വര്‍ദ്ധനയുണ്ടായ സാഹചര്യത്തില്‍ വായ്പാ നിരക്കുകള്‍ കുറക്കാന്‍ സാധ്യതയില്ല. ഔദ്യോഗിക കാലാവധി ദീര്‍ഘിപ്പിക്കുന്നില്ലെങ്കില്‍ ആര്‍ബിഐ ഗവര്‍ണര്‍ രഘുറാം രാജന്റെ അവസാനത്തെ നയ പ്രഖ്യാപനമായിരിക്കും ഇന്നത്തേത്.

റീട്ടെയില്‍ പണപ്പെരുപ്പ നിരക്ക് 4.83 ശതമാനത്തില്‍ നിന്ന് ഏപ്രിലില്‍ 5.39 ശതമാനമായി വര്‍ധിച്ചിരുന്നു.വരുംനാളുകളില്‍ പണപ്പെരുപ്പതോത് ഉയര്‍ത്താന്‍ ക്രൂഡ് വില വര്‍ധനകാരണമായേക്കാം. ഇതുകൂടി പരിഗണിച്ചാകും നിരക്കുകള്‍ കുറയ്ക്കണമോയെന്നകാര്യത്തില്‍ തീരുമാനമെടുക്കുക.

റിസര്‍വ് ബാങ്ക് ഓഫ് ഇന്ത്യ റിപ്പോ നിരക്ക് ഏപ്രിലില്‍ 0.25% കുറച്ച് 6.5 ശതമാനമാക്കിയിരുന്നു.അഞ്ചു വര്‍ഷത്തെ ഏറ്റവും താഴ്ന്ന നിരക്കായിരുന്നു ഇത്.