ചെന്നൈ: അസോസിയേറ്റ് ബാങ്കുകളെ എസ്ബിഐയില് ലയിപ്പിക്കാനുള്ള നീക്കത്തില് പ്രതിഷേധിച്ച് 45,000ത്തോളം ജീവനക്കാര് ജൂലായ് 12ന് പണിമുടക്കും.
ഓള് ഇന്ത്യ ബാങ്ക് എംപ്ലോയീസ് അസോസിയേഷന്(എഐബിഇഎ), ഓള് ഇന്ത്യ ബാങ്ക് ഓഫീസേഴ്സ് അസോസിയേഷന്(എഐബിഒസി)എന്നിവയുടെ ആഭ്യമുഖ്യത്തില് ജൂലായ് 13നാണ് പണിമുടക്ക്.
ലയനത്തിനല്ല, കിട്ടാക്കടം തിരിച്ചു പിടിക്കാനാണ് എസ്.ബി.ഐ ഇപ്പോള് ശ്രദ്ധിക്കേണ്ടതെന്ന് സംഘടനാ ഭാരവാഹികള് പറയുന്നു. ഒരു ലക്ഷം കോടിയോളം രൂപയുടെ കിട്ടാക്കടമാണ് എസ്.ബി.ഐയ്ക്കുള്ളത്.
സ്റ്റേറ്റ് ബാങ്ക് ഒഫ് ട്രാവന്കൂര് (എസ്.ബി.ടി),സ്റ്റേറ്റ് ബാങ്ക് ഓഫ് ബിക്കാനീര് ആന്ഡ് ജയ്പൂര്, സ്റ്റേറ്റ് ബാങ്ക് ഓഫ് പട്യാല, സ്റ്റേറ്റ് ബാങ്ക് ഓഫ് മൈസൂര്,സ്റ്റേറ്റ് ബാങ്ക് ഓഫ് ഹൈദരാബാദ് എന്നിവയാണ് എസ്.ബി.ഐയുടെ അസോസിയേറ്റ് ബാങ്കുകള്. ഇവയെ എസ്.ബി.ഐയില് ലയിപ്പിക്കാന് കേന്ദ്രമന്ത്രിസഭ കഴിഞ്ഞ ദിവസം അനുമതി നല്കിയിരുന്നു. ഭാരതീയ മഹിളാ ബാങ്കിനെയും എസ്.ബി.ഐയില് ലയിപ്പിക്കും.