ഡല്ഹി: ഡല്ഹി മെട്രോ യാത്രാനിരക്ക് വര്ധിപ്പിച്ചേക്കും. വര്ധിച്ചുവരുന്ന ചെലവും ജപ്പാനില്നിന്നുള്ള ലോണിന്റെ തിരിച്ചടവും പ്രവര്ത്തനത്തെ ബുദ്ധിമുട്ടിലാക്കുന്ന സാഹചര്യത്തിലാണ് നിരക്കു വര്ധിപ്പിക്കാന് ഡിഎംആര്സി നിര്ബന്ധിതരാകുന്നത്.
മിനിമം ചാര്ജ് 15 രൂപയും മാക്സിമം ചാര്ജ് 70 രൂപയുമായി നിജപ്പെടുത്താനാണ് ശുപാര്ശ. നിലവില് മിനിമം ചാര്ജ് എട്ടു രൂപയും മാക്സിമം ചാര്ജ് 30 രൂപയുമാണ്.അവസാനമായി യാത്രക്കൂലി പരിഷ്കരിച്ചത് 2009ലാണ്.പ്രവര്ത്തനങ്ങള്ക്കാവശ്യമായ വൈദ്യുതി ചാര്ജ് വര്ധിച്ചതും ജീവനക്കാരുടെ ശമ്പളവുമാണ് യാത്രാനിരക്കു കൂട്ടാന് ഡിഎംആര്സിയെ പ്രേരിപ്പിക്കുന്നത്.
ഡിഎംആര്സിയുടെ മൊത്തം ചെലവില് 40 ശതമാനം വൈദ്യുതിച്ചിലവാണ്. കഴിഞ്ഞ ആറു വര്ത്തിനുള്ളില് ഇത് 100 ശതമാനത്തിലേക്കടുത്തു.
നിരക്ക് വര്ധിപ്പിച്ചില്ലെങ്കില് സര്ക്കാര് സബ്സിഡി അനുവദിക്കാതെ മറ്റൊരു വഴിയുമില്ലെന്നാണ് ഡിഎംആര്സിയുടെ പക്ഷം.