കൊച്ചി: റംസാന്‍ അവധിക്കാലത്ത് കുറഞ്ഞ ചിലവില്‍ യാത്ര ചെയ്യാന്‍ സൗകര്യമൊരുക്കി എമിറേറ്റ് എയര്‍ ലൈന്‍സ്. ഇന്ത്യയിലെ പ്രധാന നഗരങ്ങളിലേക്കും ഒപ്പം പാശ്ചാത്യ രാജ്യങ്ങളിലേക്കുമാണ് എയര്‍ലൈന്‍സ് ഇപ്പോള്‍ നിരക്കിളവ് വരുത്തിയിരിക്കുന്നത്.

ജൂലായ് നാല് വരെ ടിക്കറ്റ് ബുക്ക് ചെയ്യുന്നവര്‍ക്ക് എക്കണോമി നിരക്ക് 1,120 ദിര്‍ഹമും ബിസിനസ് ക്ലാസ് നിരക്ക് 3,315 ദിര്‍ഹവുമായി യാത്ര ചെയ്യാവുന്നതാണ്. റംസാനും അവധിക്കാലവും ഒരുമിച്ച് വന്നതോടെ മിക്ക യാത്രക്കാര്‍ക്കും ഈ ഇളവ് പ്രയോജനപ്പെടുത്താനാവും.

2016 സെപ്തംബിനുള്ളില്‍ മടക്കയാത്ര നടത്തുന്നവര്‍ക്കാണ് ഈ ആനുകൂല്യം എമിറേറ്റില്‍ നിന്നും ലഭിക്കുകയുള്ളൂ.സമാന വ്യവസ്ഥയില്‍ തന്നെയാണ് പാശ്ചാത്യ രാജ്യങ്ങളിലേക്കും നിരക്കിളവ്് നല്‍കുന്നത്.

ജര്‍മ്മനിയിലെ മിനിഷിലേക്ക് 2,930 ദിര്‍ഹമാണ് ടിക്കറ്റ് നിരക്ക്. ലോകത്തെ 85 രാജ്യങ്ങളിലെ നഗരങ്ങളിലേക്കുള്ള ടിക്കറ്റ് നിരക്കിലും എയര്‍ലൈന്‍സിന്റെ പുതിയ ഓഫര്‍ ഇളവുകളുണ്ട്.