ന്യൂഡല്‍ഹി: കര്‍ഷകര്‍ക്കിനി നാല് ശതമാനം പലിശയ്ക്ക് കാര്‍ഷിക വായ്പ ലഭിക്കും. രാജ്യത്തെ കര്‍ഷകര്‍ക്ക് 4 ശതമാനം പലിശ നിരക്കില്‍ ഈ സാമ്പത്തിക വര്‍ഷം കാര്‍ഷിക വായ്പ നല്‍കാന്‍ കേന്ദ്ര മന്ത്രിസഭ തീരുമാനിച്ചു.

ലക്ഷക്കണക്കിന് കര്‍ഷകര്‍ക്ക് പ്രയോജനം ലഭിക്കുന്ന പദ്ധതിക്കായി 18,276 കോടി രൂപ വകയിരുത്താനും കേന്ദ്രമന്ത്രിസഭാ യോഗം തീരുമാനിച്ചു.

ഒരു വര്‍ഷത്തേക്ക് മൂന്നുലക്ഷം രൂപ വരെ ഇങ്ങനെ വായ്പ നല്കും. ഏഴു ശതമാനം പലിശയിലാണ് വായ്പ അനുവദിക്കുക. എന്നാല്‍, കൃത്യമായി തിരിച്ചടച്ചാല്‍ പലിശയില്‍ മൂന്നു ശതമാനം ഇളവ് കര്‍ഷകര്‍ക്ക് ലഭിക്കും.

കോ- ഓപ്പറേറ്റീവ് ബാങ്കുകള്‍ക്ക് പുറമേ പൊതു, സ്വകാര്യബാങ്കുകള്‍, പ്രാദേശിക, ഗ്രാമീണ ബാങ്കുകള്‍, നബാര്‍ഡ് നല്‍കുന്ന ഫണ്ടുകള്‍ എന്നിവയിലും കര്‍ഷകര്‍ക്ക് പലിശയിളവ് അനുവദിക്കും.