ന്യൂഡല്‍ഹി: ടെലികോം സേവനങ്ങളെപ്പറ്റിയുള്ള പരാതികളില്‍ മുന്നില്‍ എയര്‍ടെല്ലും വോഡഫോണും റിലയന്‍സും.ടെലികോം അതോറിറ്റി ഓഫ് ഇന്ത്യക്ക്(ട്രായ്)ലഭിച്ച പരാതികളില്‍ ഈ ടെലികോം കമ്പനികളാണ് ആദ്യസ്ഥാനത്ത്.

കഴിഞ്ഞ മൂന്ന് വര്‍ഷമായി ഇതേ സ്ഥിതി തുടരുന്നതായാണ് ട്രായ് പറയുന്നത്. ലഭിച്ച മൂന്നിലൊന്ന് പരാതികളും എയര്‍ടെലിനെക്കുറിച്ചാണ്.

നടപ്പു വര്‍ഷം ജൂണ്‍ 30 വരെ 9720 പരാതികള്‍ ആകെ ലഭിച്ചു. ഇതില്‍ 3527 പരാതികള്‍ എയര്‍ടെല്ലുമായി ബന്ധപ്പെട്ടാണ്.Read Also: ഐഡിയയിലും നിരക്കിളവ്: ഉപയോക്താക്കള്‍ക്ക് സന്തോഷവാര്‍ത്ത

വോഡഫോണിന് 2130, റിലയന്‍സിന് 1526 എന്നിങ്ങനെയാണ് പരാതികളുടെ കണക്ക്. മറ്റ് സേവനദാതാക്കള്‍ക്കെതിരെ കിട്ടിയത് 500 ല്‍ താഴെ പരാതികള്‍ മാത്രമാണെന്നും ടെലികോം മന്ത്രി മനോജ് സിന്‍ഹ ലോകസഭയില്‍ വ്യക്തമാക്കി.