കേരളത്തിലേക്ക് ഓഫറില്ല

കേരളത്തിലേക്കുള്ള സര്‍വിസുകള്‍ക്ക് പ്രത്യേക ആനുകൂല്യങ്ങളില്ല.എന്നാല്‍ ഒമാന്‍ എയര്‍ മുംബൈ, ഹൈദരാബാദ് സര്‍വിസുകള്‍ക്ക് 75 മുതല്‍ 85 റിയാല്‍ വരെ നിരക്കില്‍ റിട്ടേണ്‍ ടിക്കറ്റ് അടക്കം നല്‍കുന്ന ആനുകൂല്യം ഏര്‍പ്പെടുത്തിയിട്ടുണ്ട്.

ഉയര്‍ന്ന നിരക്ക് 156 റിയാല്‍

കോഴിക്കോടേക്കുള്ള എയര്‍ ഇന്ത്യ എക്‌സ്പ്രസിന് സെപ്റ്റംബര്‍ ഒമ്പതിന് പുലര്‍ച്ചെയുള്ള സര്‍വീസിന് 156 റിയാലാണ് ചാര്‍ജ്. ഇതാണ് ഏറ്റവും കൂടിയ നിരക്ക്. വാരാന്ത്യമായ കാരണം ഡിമാന്റ് ഉയരുന്നതുകൊണ്ടാണ് ഈ നിരക്ക്.

ആറാം തീയതി ചാര്‍ജ് കുറവ്

ആറാം തീയതി മാത്രമാണ് കോഴിക്കോടേക്ക് എക്‌സ്പ്രസില്‍ കുറഞ്ഞ നിരക്കുള്ളത്, 68 റിയാല്‍. ഏഴാം തീയതി 85 റിയാലും പത്തിന് നൂറ് റിയാലുമാണ് നിരക്ക്.

ഒമ്പതാം തീയതി

ഒമ്പതാം തീയതി കൊച്ചിയിലേക്കും തിരുവനന്തപുരത്തിനും എക്‌സ്പ്രസ് സര്‍വിസുകള്‍ക്ക് ഉയര്‍ന്ന നിരക്കാണ്. കൊച്ചിയിലേക്ക് 120 റിയാലും തിരുവനന്തപുരത്തിന് 118 റിയാലുമാണ് നിരക്ക്.

ഓരോ ദിവസവും ഓരോ നിരക്ക്

കൊച്ചിയിലേക്ക് നാലാം തീയതി അമ്പത് റിയാലാണ് എന്നാല്‍ ഓരോ ദിവസവും ഇരട്ടിയോളം വര്‍ധനയാണ് ടിക്കറ്റില്‍. ഏഴിന് 74 റിയാലും എട്ടിന് നൂറ് റിയാലും പത്തിന് 90 റിയാലുമാണ് കൊച്ചിക്ക് ചാര്‍ജ്. തിരുവനന്തപുരത്തിന് ഏഴാം തീയതിയുള്ള 64 റിയാലാണ് കുറഞ്ഞ നിരക്ക്. പത്താം തീയതിയും 11നും തിരുവനന്തപുരത്തിന് 103 റിയാലാണ്

ഒമാന്‍ എയറില്‍ 200 റിയാല്‍

ദേശീയ വിമാനക്കമ്പനിയായ ഒമാന്‍ എയറിന്റെ കോഴിക്കോടിനുള്ള സര്‍വിസുകളില്‍ സെപ്റ്റംബര്‍ ആദ്യം മുതല്‍ 11 വരെ ഇക്കോണമി ക്ലാസിന് 200 റിയാലാണ് നിരക്ക്.

ഇന്‍ഡിഗോയില്‍ വര്‍ധന

ഇന്‍ഡിഗോയിലും ജെറ്റ് എയര്‍വേസിലും ഇപ്പോള്‍ത്തന്നെ ഭൂരിഭാഗം ടിക്കറ്റുകളും വിറ്റ് തീര്‍ന്നിട്ടുണ്ട്. ബജറ്റ് എയര്‍ലൈനായ ഇന്‍ഡിഗോയില്‍ എയര്‍ ഇന്ത്യ എക്‌സ്പ്രസ് നിരക്കിന് സമാനമാണ് ടിക്കറ്റ് നിരക്ക്.

ജെറ്റ് എയര്‍വേസിലും വര്‍ധന

ജെറ്റ് എയര്‍വേസിനും പല ദിവസങ്ങളിലും ഉയര്‍ന്ന തുകയാണ് ടിക്കറ്റിന്.പത്താം തീയതി തിരുവനന്തപുരത്തിന് 150 റിയാലും കൊച്ചിക്ക് 120 റിയാലുമാണ് നിരക്ക്. Read Also: വിമാനയാത്രക്കാര്‍ക്ക് സന്തോഷവാര്‍ത്ത: നാട്ടിലേക്ക് നിരക്കിളവ്