Click it and Unblock the Notifications
മുംബൈ: ഗള്ഫ് സാമ്പത്തിക പ്രതിസന്ധി രാജ്യത്തേക്കുള്ള പണമൊഴുക്കില് ഇടിവുണ്ടാക്കുന്നു. ഗള്ഫ് മേഖലയില്നിന്ന് ഇന്ത്യയിലേക്കു പ്രവാസികള് അയയ്ക്കുന്ന പണം കുറയുന്നതായി റിപ്പോര്ട്ടുകള്.
2015-16 ല് ഗള്ഫ് രാജ്യങ്ങൡ നിന്നുള്ള പണത്തില് കഴിഞ്ഞ വര്ഷത്തേക്കാള് 2.2 ശതമാനം കുറവുണ്ടായി.
2.2% കുറവ്
2015-ല് ഇന്ത്യയിലേക്കു മൊത്തം വന്ന പ്രവാസി പണം 6900 കോടി ഡോളറാണ്. തലേവര്ഷത്തെ 7000 കോടി ഡോളറില്നിന്ന് 2.2 ശതമാനം കുറവ്. ഈ കുറവ് മുഴുവനായും ഗള്ഫ് മേഖലയില്നിന്നാണ്.
കാരണം ക്രൂഡ് ഓയില് വിലയിടിവ്
ക്രൂഡ് ഓയില് വില കുറഞ്ഞതോടെ പലര്ക്കും ശമ്പളം കുറഞ്ഞതാണ് ഇതിനു കാരണം.
യുഎഇ മുമ്പില്
യുഎഇയാണു പ്രവാസി പണത്തില് മുന്നില് നില് ക്കുന്നത്.2015-16ല് രാജ്യത്തേക്കെത്തിയ മൊത്തം തുകയില് 38.7 ശതമാനം യുഎഇയില്നിന്നാണ്.
സൗദി രണ്ടാമത്
2015-16 വര്ഷത്തില് സൗദിയുടെ പങ്ക് 28.7 ശതമാനമാണ്. സ്വദേശി വത്കരണത്തിന്റെ ഭാഗമായി സൗദിയില് പതിനായിരത്തിലേറെ ഇന്ത്യക്കാര്ക്ക് തൊഴില് നഷ്ടമായത് രാജ്യത്തേയ്ക്കുള്ള പണമൊഴുക്കില് ഇനിയും കുറയ്ക്കും.
സന്ദര്ശകരും കുറഞ്ഞു
എണ്ണ വരുമാനം കുറഞ്ഞതു സൗദിയിലേക്കുള്ള ഇന്ത്യന് സന്ദര്ശകരുടെ എണ്ണവും കുറച്ചു. 2015 ജനുവരി-മാര്ച്ചില് 4.34 ലക്ഷം പേര് പോയ സ്ഥാനത്ത് ഏപ്രില്-ജൂണില് 3.71 ലക്ഷവും ജൂലൈ-സെപ്റ്റംബറില് 3.79 ലക്ഷം സഞ്ചാരികളുമാണ് സൗദിയിലെത്തിയത്.
കയറ്റുമതി ഇടിഞ്ഞു
ഗള്ഫ് രാജ്യങ്ങളിലേക്കുള്ള കയറ്റുമതിയിലും കുറവുണ്ട്. ഗള്ഫ് മേഖലയിലേക്കുള്ള കയറ്റുമതി 2015-16 ല് 18.7 ശതമാനം കുറഞ്ഞു. Read Also: വിമാനയാത്രക്കാര്ക്ക് സന്തോഷവാര്ത്ത: നാട്ടിലേക്ക് നിരക്കിളവ്
Sign in with Google