ജിയോയില്‍ ഓഫറുകള്‍

ഡാറ്റാ ഓഫറുകള്‍,വോയ്‌സ് ഓഫറുകള്‍ എന്നിവ ഇപ്പോഴുള്ളതിനേക്കാള്‍ 25 ശതമാനം കുറഞ്ഞ നിരക്കില്‍ അവതരിപ്പിക്കാനാണ് പദ്ധതി. 80 രൂപയ്ക്ക് ലഭിക്കുന്ന 1 ജിബി പായ്ക്കിലാണ് സൗജന്യ വോയ്‌സ് കോള്‍ സൗകര്യം ലഭിക്കുക.

മത്സരം കടുത്തു

വിപണിയിലെ മത്സരത്തില്‍ പിടിച്ചുനില്‍ക്കാന്‍ മുന്‍നിര മൊബൈല്‍ ദാതാക്കളായ എയര്‍ടെല്‍,വോഡഫോണ്‍,ഐഡിയ എന്നിവര്‍ ഡാറ്റയിലും വോയ്‌സ് കോളിലും വമ്പന്‍ ഓഫറുകളാണ് അവതരിപ്പിച്ചിട്ടുള്ളത്.

ജിയോയ്ക്ക 15 ലക്ഷം ഉപയോക്താക്കള്‍

കഴിഞ്ഞ ഡിസംബറില്‍ പരീക്ഷണാടിസ്ഥാനത്തില്‍ അവതരിപ്പിച്ച് ജിയോയ്ക്ക് 15 ലക്ഷം ഉപയോക്താക്കളുണ്ട് നിലവില്‍.

എയര്‍ടെലില്‍ വന്‍ ഓഫറുകള്‍

എയര്‍ടെലിന്റ ഇന്‍ഫിനിറ്റി പ്ലാനില്‍ 1,199 രൂപയ്ക്ക് പരിധിയില്ലാത്ത വോയ്സ് കോള്‍ (ലോക്കല്‍, എസ്.ടി.ഡി, നാഷണല്‍ റോമിംഗ്),1ജിബി 4ജി ഡാറ്റ, ദിവസം 100 സൗജന്യ എസ്.എം.എസ്.വിങ്ക് മ്യൂസിക്-മൂവി എന്നിവ ലഭ്യമാണ്.

വോഡഫോണ്‍

67% അധിക ഡാറ്റ, സംസാരത്തിനിടയില്‍ കോള്‍ മുറിഞ്ഞാല്‍ 10 മിനിറ്റ് അധിക സംസാരസമയം എന്നിവയാണ് വോഡഫോണിലെ ഓഫറുകള്‍.

ഐഡിയ

ഐഡിയ സെല്ലുലാര്‍ 45 ശതമാനം വരെ അധിക ഡാറ്റയാണ് വാഗ്ദാനം ചെയ്യുന്നത്. 19 രൂപയ്ക്ക് മുന്‍പ് മൂന്ന് ദിവസത്തേക്ക് നല്‍കിയിരുന്ന 75എംബി 2ജി ഇപ്പോള്‍, 110 എംബിയാണ് മൂന്ന് ദിവസത്തേക്ക് ലഭിക്കുക. ഇതുപോലെ തന്നെ 4ജിയും 3ജിയും 22 രൂപയ്ക്ക് 66 എംബി മൂന്ന് ദിവസത്തേക്ക് ലഭിച്ചിരുന്ന ഓഫറില്‍ ഇനി മൂന്ന് ദിവസത്തേക്ക് ഈ വിലയ്ക്ക് 90 എംബി ലഭിക്കും.

ജിയോ വിപ്ലവം സൃഷ്ടിക്കും

റിലയന്‍സ് ജിയോ വിപണിയിലെത്തുമ്പോള്‍ ഡാറ്റാ പാക്ക് നിരക്കുകളുടെ വില 15 മുതല്‍ 20 ശതമാനം വരെ കുറയുമെന്നും വിലയിരുത്തപ്പെടുന്നു. 4ജി സേവനം സാര്‍വത്രികമാക്കാനും ജിയോയുടെ കടന്ന് വരവ് സഹായിക്കും.Read Also:  റിലയന്‍സ് ജിയോ 4ജിയുടെ ഫ്രീഡം ഓഫര്‍