കൊച്ചി: കേരളത്തില്‍ നിന്നും യുഎഇയിലേക്ക് മൂന്ന് പുതിയ വിമാനസര്‍വീസുകള്‍. സെപ്റ്റംബര്‍ അവസാനത്തില്‍ ഒരു സര്‍വീസും ഒക്ടോബര്‍ അവസാനത്തോടെ മറ്റ് രണ്ട് സര്‍വീസുകളും ആരംഭിക്കും.

ഇന്‍ഡിഗോയുടെ ദുബായില്‍ നിന്നും നെടുമ്പാശേരിയിലേക്കുള്ള പ്രതിദിന സര്‍വീസ് രണ്ടാക്കി ഉയര്‍ത്തും. ഷാര്‍ജയില്‍ നിന്ന് കോഴിക്കോട്ടേക്ക് ജെറ്റ് എയര്‍വേസിന്റെയും സ്‌പൈസ്‌ജെറ്റിന്റേയും പുതിയ സര്‍വീസ് ആരംഭിക്കും.

ഒക്ടോബര്‍ 30ന് ജെറ്റ് എയര്‍വേസിന്റെ ഷാര്‍ജ-കോഴിക്കോട് സര്‍വീസ് ആരംഭിക്കും. സ്‌പൈസ്‌ജെറ്റിന്റെ ഷാര്‍ജ കോഴിക്കോട് സര്‍വീസ് ഒക്ടോബര്‍ 28ന് തുടങ്ങും. ഇന്‍ഡിഗോയുടെ ദുബായ്-നെടുമ്പാശേരി വിമാനം സെപ്റ്റംബര്‍ 26നാണ് ആരംഭിക്കുക.Read Also: ഉത്സവ സീസണ്‍: എയര്‍ടിക്കറ്റ് നിരക്കുകള്‍ കുതിച്ചുയരുന്നു

ശൈത്യകാല ഷെഡ്യൂളിന്റെ ഭാഗമായാണ് പുതിയ സര്‍വീസുകള്‍ അനുവദിച്ചത്.യാത്രക്കാരുടെ തിരക്ക് കുറയ്ക്കാന്‍ പുതിയ സര്‍വീസുകള്‍ സഹായിക്കും.