മുംബൈ: അസോസിയറ്റ് ബാങ്കുകളുടെ ലയനത്തിന് എസ് ബിഐ സെന്‍ട്രല്‍ ബോര്‍ഡ് ഓഫ് ഡയറക്ടേഴ്‌സിന്റെ അനുമതി ലഭിച്ചു.

അഞ്ച് അസോസിയറ്റ് ബാങ്കുകളും ഭാരതീയ മഹിളാ ബാങ്കും (ബിഎംബി) ലയിച്ച് 37 ലക്ഷം കോടിയുടെ സമ്പത്തുള്ള വന്‍കിട ധനകാര്യ സ്ഥാപനമായി എസ്ബിഐ മാറുന്നതിനുള്ള നിര്‍ണായക ചുവടുവെപ്പാണ് ബോര്‍ഡ് നടത്തിയത്.

ലയനത്തോടെ എസ്ബിടി ഓഹരി ഉടമകള്‍ക്ക് 10 രൂപ ഫേസ് വാല്യു ഉള്ള ഓരോ പത്ത് ഓഹരിക്കും പകരമായി ഒരു രൂപ മുഖവിലയുള്ള 22 എസ്ബിഐ ഓഹരികള്‍ ലഭിക്കും.

സ്റ്റേറ്റ് ബാങ്ക് ഓഫ് ബീകാനീര്‍ ആന്‍ഡ് ജയ്പുര്‍ (എസ്ബിബിജെ), സ്റ്റേറ്റ് ബാങ്ക് ഓഫ് മൈസൂര്‍ (എസ്ബിഎം), സ്റ്റേറ്റ് ബാങ്ക് ഓഫ് ട്രാവന്‍കൂര്‍ (എസ്ബിടി), ബിഎംബി എന്നിവയാണ് എസ്ബിഐക്കു കീഴില്‍ ലയിപ്പിക്കുന്നത്. ഇവയുടെയും ലയനാനുപാതം നിശ്ചയിച്ചു.അതേസമയം, സ്റ്റേറ്റ് ബാങ്ക് ഓഫ് ഹൈദരാബാദ്, സ്റ്റേറ്റ് ബാങ്ക് ഓഫ് പാട്യാല എന്നിവയുടെ ലയനാനുപാതം തീരുമാനിച്ചിട്ടില്ല.