മുംബൈ: ഇന്ത്യയിലെ വീടുകളില്‍ 78,000 കോടി രൂപയുടെ വസ്തുക്കള്‍ ഉപയോഗശൂന്യമായി കിടക്കുന്നതായി സര്‍വേ. ഓണ്‍ലൈന്‍ ക്ലാസിഫൈഡ്‌സായ ഒഎല്‍എക്‌സ് നടത്തിയ സര്‍വേയിലാണ് ഈ കണ്ടെത്തല്‍.

അടുക്കള ഉപകരണങ്ങള്‍, ഡ്രസുകള്‍, മൊബൈല്‍ ഫോണുകള്‍,വാച്ചുകള്‍ എന്നിവയെല്ലാം ഈ സാധനങ്ങളിലുണ്ട്. ചില വീടുകളില്‍ മൂന്ന് മൊബൈല്‍ ഫോണുകള്‍ ഉണ്ടെങ്കില്‍ അതില്‍ രണ്ടും ഉപയോഗശൂന്യമാണ്.

ഓഫ്‌ലൈനായും ഓണ്‍ലൈനായും എക്‌സ്‌ചേഞ്ചിലൂടെയും ഇന്ത്യയില്‍ ഉപയോഗിച്ച വസ്തുക്കള്‍ ഒഴിവാക്കുന്നത് ഏറിവരികയാണ്.ഡ്രസുകളാണ് ഉപയോഗിക്കാതിരിക്കുന്ന വസ്തുക്കളില്‍ അധികവും. എല്ലാ ഇന്ത്യന്‍ വീടുകളിലും ശരാശരി 12 ഡ്രസുകള്‍,14 അടുക്കള ഉപകരണങ്ങള്‍, 11 പുസ്തകങ്ങള്‍, 2 മൊബൈല്‍ ഫോണുകള്‍, 3 വാച്ചുകള്‍ എന്നിവ വീതം ഉപയോഗിക്കാതിരിക്കുന്നുണ്ട്.

ഇ-കൊമേഴ്‌സ് സൈറ്റുകള്‍ പരിശോധിച്ച് വില താരതമ്യം ചെയ്ത് വസ്തുക്കള്‍ വാങ്ങുന്നതും വില്‍പന നടത്തുന്നതും വര്‍ധിച്ചിട്ടുണ്ടെന്നും സര്‍വേ കണ്ടെത്തുന്നു.