ന്യൂഡല്‍ഹി: എസ്ബിഐയുടെ നെറുകയില്‍ അരുന്ധതി ഭട്ടാചാര്യ തുടരും. ഈ മാസം ആറിന് വിരമിക്കേണ്ടിയിരുന്ന സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) ചെയര്‍പേഴ്‌സണ്‍ അരുന്ധതി ഭട്ടാചാര്യക്ക് ഒരുവര്‍ഷത്തേക്ക് കാലാവധി നീട്ടിക്കൊടുത്തു.

2017 ഒക്ടോബര്‍ ആറുവരെയാണ് കാലാവധി നീട്ടിനല്‍കിയത്. ഇതാദ്യമാണ് എസ്ബിഐയുടെ ഒരു ചെയര്‍പേഴ്‌സണ് കാലാവധി നീട്ടിക്കിട്ടുന്നത്.

എസ്ബിഐയുടെ ആദ്യ വനിതാ അധ്യക്ഷയായ അരുന്ധതി മൂന്ന് വര്‍ഷം മുന്‍പാണ് ചുമതലയേറ്റത്. ജൂണില്‍ ഫോര്‍ച്യൂണിന്റെ ലോകത്തെ മികച്ച ഇച്ഛാശക്തിയുളള വനിതകളുടെ പട്ടികയില്‍ അരുന്ധതി ഭട്ടാചാര്യ ഇടം പിടിച്ചിരുന്നു

സ്റ്റേറ്റ് ബാങ്ക് ഓഫ് ട്രാവന്‍കൂര്‍ അടക്കം അഞ്ച് അസോസിയേറ്റ് ബാങ്കുകളും ഭാരതീയ മഹിള ബാങ്കും എസ്ബിഐയില്‍ ലയിപ്പിക്കുന്ന നടപടികള്‍ അരുന്ധതി വിരമിക്കും മുന്‍പ് പൂര്‍ത്തിയാക്കും.