ഒക്ടോബര്‍ 7 വരെ ബുക്കിംഗ്

4 ദിവസം നീണ്ടു നില്‍ക്കുന്ന ബുക്കിംഗ് ആരംഭിച്ചു കഴിഞ്ഞു. ഫെസ്റ്റീവ് സെയിലില്‍ ഓഫര്‍ ലഭിക്കാന്‍ ഒക്ടോബര്‍ 7 അര്‍ധരാത്രി വരെ ടിക്കറ്റ് ബുക്ക് ചെയ്യാം.നവംബര്‍ 8 മുതല്‍ 2017 ഏപ്രില്‍ 13 വരെയുള്ള യാത്രകളാണ് ഓഫറിന് കീഴില്‍ നടത്താനാവുക.

മലയാളികള്‍ക്ക് നേട്ടം

888 രൂപ ടിക്കറ്റ് നിരക്ക് ലഭിക്കുന്ന റൂട്ടുകളില്‍ കേരളത്തിലെ കൊച്ചിയും ഉണ്ട്. ഇത് മറ്റ് സംസ്ഥാനങ്ങളില്‍ താമസിക്കുന്ന മലയാളികള്‍ക്ക് സന്തോഷത്തിന് വക നല്‍കുന്നതാണ്.

ഈ റൂട്ടുകളില്‍ യാത്ര

ബെംഗളൂരു-കൊച്ചി, ഡല്‍ഹി-ഡെറാഡൂണ്‍, ചെന്നൈ-ബംഗളൂരൂ എന്നീ റൂട്ടുകളിലാണ് ഓഫര്‍ ബാധകമാകുക. മുന്‍കൂട്ടി പ്ലാന്‍ ചെയ്യുന്ന യാത്രക്കാര്‍ക്ക് വളരെ ഗുണം ചെയ്യും ഈ ആനുകൂല്യം. Read also: സാധാരണക്കാര്‍ക്കും പറക്കാം എയര്‍ ഏഷ്യയില്‍ നിരക്കിളവ്

2,200 രൂപയില്‍ ടിക്കറ്റ്

കഴിഞ്ഞ ഡിസംബറില്‍ 2,200 രൂപ ടിക്കറ്റ് നിരക്കില്‍ ഈ വര്‍ഷം യാത്ര ചെയ്യാന്‍ സെപ്തംബര്‍-ഒക്ടോബര്‍ ഡല്‍ഹി-മുംബൈ ടിക്കറ്റുകള്‍ ബുക്ക് ചെയ്യാന്‍ അവസരമുണ്ടായിരുന്നു. നിലവില്‍ 5,650 രൂപയാണ് ഇപ്പോള്‍ ബുക്ക് ചെയ്യുന്നവര്‍ ഈ റൂട്ടില്‍ നല്‍കേണ്ടത്.

നീണ്ട കാലത്തേക്ക് ഓഫര്‍

നവംബര്‍ മുതല്‍ ഏപ്രില്‍ വരെ നീണ്ട കാലത്തേക്കുള്ള ഓഫറായതിനാല്‍ കൂടുതല്‍ യാത്രക്കാരിലേക്ക് 888 രൂപ ടിക്കറ്റിന്റെ ആനുകൂല്യമെത്തും. എന്നാല്‍ എത്ര സീറ്റുകള്‍ ഓഫറിന് കീഴിലുണ്ടെന്ന് സ്പൈസ്ജെറ്റ് വ്യക്തമാക്കിയിട്ടില്ല.

എയര്‍ ഏഷ്യയിലും ഓഫര്‍

കഴിഞ്ഞ ദിവസം എയര്‍ ഏഷ്യ 999 രൂപ മുതലുള്ള ടിക്കറ്റുകള്‍ അവതരിപ്പിച്ചിരുന്നു. ഈ മാസം മൂന്ന് മുതല്‍ പതിനാറാം തീയതി വരെ ബുക്ക് ചെയ്യുന്നവര്‍ക്കാണ് ഈ ആനുകൂല്യം ലഭിക്കുക. ആഭ്യന്തര വിമാന സര്‍വ്വീസുകള്‍ ഉപയോഗപ്പെടുത്തുന്ന യാത്രികരുടെ എണ്ണം വര്‍ധിച്ചതോടെയാണ് ഓഫറുകളുമായി വിമാന കമ്പനികള്‍ മല്‍സരിക്കാന്‍ തുടങ്ങിയത്.