മുംബൈ: ഓഹരി വിപണിയില്‍ ചൊവ്വാഴ്ച നഷ്ടത്തിന്റെ ദിവസം. ടാറ്റ ഗ്രൂപ്പ് സിറസ് മിസ്ട്രിയെ ചെയര്‍മാന്‍ സ്ഥാനത്ത് നിന്നും മാറ്റിയതോടെ കമ്പനികളുടെ ഓഹരികളില്‍ വന്‍ തിരിച്ചടി നേരിട്ടു. Read Also: ബിസിനസ് ലോകത്തെ അമ്പരപ്പിച്ച് ടാറ്റ ഗ്രൂപ്പ്, അപ്രതീക്ഷിത നീക്കം!

സെന്‍സെക്‌സ് 91 പോയിന്റ് നഷ്ടത്തിലാണ് വ്യാപാരമാരംഭിച്ചത്. 87 പോയിന്റ് നഷ്ടത്തിലാണ് സെന്‍സെക്‌സ് വ്യാപാരമവസാനിപ്പിച്ചത്. നിഫ്റ്റി 17 പോയിന്റ് നഷ്ടത്തില്‍ വ്യാപാരമവസാനിപ്പിച്ചു.

ടാറ്റ സ്റ്റീല്‍, ടാറ്റ കമ്മ്യൂണിക്കേഷന്‍സ്, ടാറ്റ പവര്‍, ടാറ്റ കെമിക്കല്‍സ്, ടിസിഎസ്, ടാറ്റ മോട്ടോഴ്‌സ് എന്നിവയുടെ ഓഹരി മൂല്യത്തില്‍ 1.60 ശതമാനം മുതല്‍ മൂന്ന് ശതമാനം വരെ ഇടിവുണ്ടായി.

മെറ്റല്‍, ഓയില്‍ ആന്‍ഡ് ഗ്യാസ്, പിഎസ്‌യു,പവര്‍,റിയല്‍റ്റി ഓഹരികളിലാണ് ഏറ്റവും വലിയ നഷ്ടം നേരിട്ടത്. ഐഡിയ സെല്ലുലാറിന്റെ ഓഹരികളിലും ഇടിവുണ്ടായി.