കൊച്ചി: ഉത്സവ സീസണില്‍ ഉപഭോക്താക്കളെ ആകര്‍ഷിക്കാന്‍ കൂടുതല്‍ ആനുകൂല്യങ്ങളുമായി ഐസിഐസിഐ ബാങ്ക്. ഭവനവായപക്കൊപ്പം ഓവര്‍ഡ്രാഫ്റ്റ് സൗകര്യമാണ് ഐസിഐസിഐ ബാങ്ക് പ്രഖ്യാപിച്ചത്.

ഐസിഐസിഐ ബാങ്ക് ഹോം ഓവര്‍ഡ്രാഫ്റ്റ് സൗകര്യം ടേം ലോണ്‍ എന്ന നിലയിലും ഓവര്‍ഡ്രാഫറ്റ് എന്ന നിലയിലും ഇരട്ട സൗകര്യമാണ് നല്‍കുകയെന്ന് ബാങ്ക് അവകാശപ്പെടുന്നു.

അക്കൗണ്ടുള്ള ശമ്പളക്കാര്‍ക്ക് ഉടമസ്ഥതയിലുള്ള വസ്തുവിന്റെ ഈടില്‍ അഞ്ചു ലക്ഷം മുതല്‍ ഒരു കോടി വരെയാണ് ഓവര്‍ഡ്രാഫ്റ്റായി അനുവദിക്കുക.

വിദ്യാഭ്യാസം, ചികിത്സ, ഭവന പുനരുദ്ധാരണം, വിവാഹം, വിദേശയാത്ര തുടങ്ങിയ ആവശ്യങ്ങള്‍ക്ക് ഈ സൗകര്യം വിനിയോഗിക്കാം. കുറഞ്ഞത് 10 ശതമാനം ടേം ലോണായും ബാക്കി ഓവര്‍ഡ്രാഫറ്റായും ആവും പരിഗണിക്കുക