സ്വര്‍ണ്ണവിലയില്‍ വന്‍ ഇടിവ്. പവന് 160രൂപ കുറഞ്ഞ് 21,200യിലെത്തി. ഗ്രാമിന് 2650 രൂപയാണ് വില. ഈ മാസത്തെ ഏറ്റവും വലിയ വിലയിടിവിലാണ് വെള്ളിയാഴ്ച്ച സ്വര്‍ണ്ണ വ്യാപാരം നടക്കുന്നത്. വ്യാഴാഴ്ച്ച വരെ 21,360 ആയിരുന്നു വില.

സുരക്ഷിത നിക്ഷേപമെന്ന നിലയിലാണ് പലരും സ്വര്‍ണ്ണം വാങ്ങുന്നത്. എന്നാല്‍ കഴിഞ്ഞ ദിവസം കേന്ദ്രസര്‍ക്കാര്‍ സ്വര്‍ണ്ണം കൈവശം വയ്ക്കുന്നതിന് നിയന്ത്രണം ഏര്‍പ്പെടുത്തിയതോടെ വിപണിയില്‍ സ്വര്‍ണ്ണത്തിന്റെ ആവശ്യം കുറഞ്ഞിരുന്നു.

ആഗോള വിപണിയില്‍ തങ്കത്തിന്റെ വിലയിടിയുന്നതും നോട്ടുനിയന്ത്രണവുമെല്ലാം സ്വര്‍ണ്ണവിപണിയെ കാര്യമായി ബാധിച്ചിട്ടുണ്ട്. മൂന്നു വര്‍ഷത്തെ ഏറ്റവും വലിയ തിരിച്ചടികളിലൂടെയാണ് സ്വര്‍ണ്ണവിപണി കടന്നുപോകുന്നത്.
ഡോളറിന്റെ വില ഉയരുന്നതും സ്വര്‍ണ്ണവിപണിയില്‍ ഇടിവ് വരുത്തുന്നുണ്ട്.

Read More: Gold dips as dollar advances