സംസ്ഥാനത്ത് സ്വര്ണ്ണവില വീണ്ടും കുറഞ്ഞു. പവന് 240 കുറഞ്ഞ് 20,720 രൂപയിലാണ് വെള്ളിയാഴ്ച്ച വില്പ്പന നടക്കുന്നത്. ഗ്രാമിന് 30 രൂപ താഴ്ന്ന് 2590 രൂപയായി. കഴിഞ്ഞ പത്തുമാസത്തിലെ ഏറ്റവും കുറഞ്ഞ നിരക്കാണിത്.
കഴിഞ്ഞ ബുധനാഴ്ച്ച അമേരിക്കന് കേന്ദ്ര ബാങ്കായ ഫെഡറല് റിസര്വ്വ് പലിശനിരക്ക് 0.25 ശതമാനം ഉയര്ത്തിയതോടെ ആഗോളതലത്തില് ഡോളറിന്റെ വില കുതിച്ചുയരുകയാണ്. ഇതാണ് സ്വര്ണ്ണവില ഇടിയാന് കാരണം. രാജ്യാന്തര മാര്ക്കറ്റില് 31 ഗ്രാം ട്രോയി ഔണ്സിന് 1142ആണ് വെള്ളിയാഴ്ച്ചത്തെ നിരക്ക്. വരും ദിവസങ്ങളില് സ്വര്ണ്ണവില ഇനിയും കുറയാനാണ് സാധ്യത.
യുഎസ് റിസര്വ്വിന്റെ കാല് ശതമാനം പലിശനിരക്ക് വര്ദ്ധനവ് ഇന്ത്യ നേരത്തെ പ്രതീക്ഷിച്ചിരിന്നതാണെങ്കിലും വിപണിയില് വന് ഇടിവാണിതുണ്ടാക്കിയത്. ഒരു പതിറ്റാണ്ടിനില് രണ്ടാം തവണയാണ് ഫെഡറല് റിസര്വ്വ് പലിശനിരക്ക് ഉയര്ത്തുന്നത്. 0.5 ശതമാനം മുതല് 0.75 ശതമാനം വരെയാണ് പുതുക്കിയ പലിശനിരക്ക്. അമേരിക്കന് പ്രസിഡന്റ് ഡൊണാള്ഡ് ട്രംപിന്റെ വിജയവും നിരക്ക് വര്ദ്ധിപ്പിച്ചതില് സ്വാധീനിച്ചിട്ടുണ്ടെന്നാണ് സൂചന. 2017ല് ഇനിയും മൂന്ന് തവണ പലിശനിരക്ക് ഉയര്ത്തുമെന്നാണ് അമേരിക്കന് ഫെഡറല് ബാങ്ക് ചെയര് പേഴ്സന് ജാനറ്റ് അലന് ബുധനാഴ്ച്ച നടത്തിയ വാര്ത്താസമ്മേളനത്തില് അറിയിച്ചത്.
ഗോള്ഡ് ലോണ് എവിടെ നിന്നെടുക്കാം?ഇതാ ചില മുന്നിര സ്ഥാപനങ്ങള്.