ഇന്ത്യന് റെയില്വേയിലെ കൂലിവേലക്കാര്ക്ക് സാമൂഹിക സുരക്ഷ ഏര്പ്പെടുത്താനുള്ള പദ്ധതിക്കായി യൂണിയന് ബജറ്റില് കേന്ദ്രസര്ക്കാര് പുതിയ സെസ്സ് പ്രഖ്യാപിച്ചേക്കും. ഒരു ടിക്കറ്റിന് 10 പൈസ എന്ന നിരക്കിലാകും സെസ് ഏര്പ്പെടുത്തുക. റെയില്വേ ടിക്കറ്റിന് 10 പൈസ സെസ് ഏര്പ്പെടുത്തുന്നതിലൂടെ വര്ഷം 4.38 കോടി രൂപ സ്വരൂപിക്കാമെന്നും ഇതു തൊഴിലാളികള്ക്കു പിഎഫ്, പെന്ഷന്, ഗ്രൂപ്പ് ഇന്ഷുറന്സ് എന്നിവ നടപ്പാക്കാനുതകുമെന്നുമാണു കണക്കുകൂട്ടല്.
റെയില്വേയിലെ ഇരുപതിനായിരത്തിലേറെ വരുന്ന തൊഴിലാളികള്ക്ക്
എംപ്ലോയീസ് പ്രോവിഡന്റ് ഫണ്ട് ഓര്ഗനൈസേഷനാണ് ഈ പദ്ധതി നടപ്പാക്കുക.
രാജ്യത്തെ 40 കോടിയിലേറെയുള്ള അസംഘടിത തൊഴിലാളികളെ ഇപിഎഫ്ഒ, ഇഎസ്ഐ തുടങ്ങിയ സാമൂഹിക സുരക്ഷാ
പദ്ധതികള്ക്ക് കീഴില് കൊണ്ടുവരുന്നതിന്റെ ഭാഗമായാണ് പുതിയ പദ്ധതിയും വരുന്നത്. തൊഴിലാളി പ്രതിനിധികള് മുന്നോട്ടുവച്ച നിര്ദേശം പരിഗണിക്കാമെന്നു കേന്ദ്ര തൊഴില് മന്ത്രി ബന്ദാരു ദത്താത്രേയ
ഉറപ്പ് നല്കിയിട്ടുണ്ട്.
92 വര്ഷത്തെ കീഴ്വഴക്കം അവസാനിപ്പിച്ച് ഇത് ആദ്യമായാണ് റെയില്വേ ബജറ്റും കേന്ദ്രബജറ്റിന് കീഴിലാക്കിയിരിക്കുന്നത്. ഏപ്രില് ഒന്നിന് ആരംഭിക്കുന്ന സാമ്പത്തിക വര്ഷത്തിെന്റ തുടക്കത്തില്തന്നെ ബജറ്റ് വിഹിത വിനിയോഗം തുടങ്ങാന് സൗകര്യമാണെന്ന് ചൂണ്ടിക്കാട്ടിയാണിത് ഫെബ്രുവരി 28ന് അവതരിപ്പിക്കേണ്ടിയിരുന്ന യൂണിയന് ബജറ്റ് ഒരു മാസം നേരത്തെ അവതരിപ്പിക്കാന് സര്ക്കാര് തീരുമാനിച്ചത്.
For More Budget Updates, Log on to: Malayalamgoodreturns.in