ഭക്ഷ്യ മേഖല

ഭക്ഷ്യ മേഖല ഇക്കഴിഞ്ഞ രണ്ട് വര്‍ഷമായി വരുമാന തര്‍ച്ച നേരിടുകയാണ്. അതിന്റെ കൂടെയാണ് കറന്‍സി നോട്ട് നിരോധനം വന്നത്. അത് ഈ മേഖലക്ക് വലിയൊരു ഇരുട്ടടിയായിരുന്നു. ആദായ നികുതി ഇളവിന്റെ പരിധി വര്‍ദ്ധിപ്പിക്കുന്നതിന് പുറമേ, ഉല്‍പ്പന്നങ്ങള്‍ക്ക് ഗ്രാമീണ മേഖലകളില്‍ മികച്ച വില്‍പ്പന ഉറപ്പാക്കുന്നതിനായി ബജറ്റില്‍ കുൂടുതല്‍ ക്ഷേമ പദ്ധതികള്‍ ആവിഷ്‌ക്കരിക്കണമെന്ന് ഭക്ഷ്യ മേഖലയിലെ കമ്പനികള്‍ കേന്ഗ്ര സര്‍ക്കാരിനോട് ആവശ്യപ്പെട്ടിട്ടുണ്ട്.

പൊതുമേഖലാ ബാങ്കിംഗ്

വായ്പാ ഡിമാന്റില്‍ വന്ന ഇടിവും, നിഷ്‌ക്രിയ ആസ്തി വര്‍ദ്ധനയും കാരണം വന്‍ പ്രതിസന്ധിയിലാണ് രാജ്യത്തെ പൊതുമേഖലാ ബാങ്കുകള്‍. വരുന്ന യൂണിയന്‍ ബജറ്റില്‍ കൂടുതല്‍ മൂലധന സഹായം പ്രഖ്യാപിക്കണമെന്നാണ് ഇവരുടെ ആവശ്യം.

വാഹന വിപണി

എസ് യു വികള്‍ക്ക് 2016ലെ പൊതു ബജറ്റില്‍ നാല് ശതമാനം അധിയ നികുത ഏര്‍പ്പെടുത്തിയിരുന്നു. ഇത് കുറക്കണമെന്നതാണ് വാഹന വിപണന മേഖലയിലെ ഒരുപാട് ആവശ്യങ്ങളില്‍ പ്രധാനപ്പെട്ടത്.

റിയല്‍ എസ്റ്റേറ്റ്

2022ഓടെ എല്ലാവര്‍ക്കും ഭവനം എന്ന കേന്ദ്ര സര്‍ക്കാറിന്റെ വിസ്മയ പദ്ധതിയിലാണ് റിയല്‍ എസ്റ്റേറ്റ് രംഗത്തിന്റെ മുഴുവന്‍ പ്രതീക്ഷയും. ഈ പദ്ധതി മുന്‍നിര്‍ത്തി ഭവന വായ്പകളില്‍ കൂടുതല്‍ നികുതി ആനുകൂല്യങ്ങള്‍ ബജറ്റില്‍ ഉണ്ടാവുമെന്നും വിലയിരുത്തപ്പെടുന്നു.

അടിസ്ഥാന സൗകര്യ വികസന മേഖല

വികസന പദ്ധതികള്‍ക്കായി 30 ശതമാനം അധിക തുക വരുന്ന യൂണിയന്‍ ബജറ്റില്‍ അനുവദിക്കണമെന്നാണ് ഇവര്‍ പ്രധാനമായും ആവശ്യപ്പെടുന്നത്.