മൂന്ന് ലക്ഷത്തില്‍ കൂടുതലുള്ള കറന്‍സി ഇടപാടുകള്‍ക്ക് നിയന്ത്രണം ഏര്‍പ്പെടുത്താന്‍ കേന്ദ്ര ബജറ്റില്‍ പ്രഖ്യാപനം. മൂന്ന് ലക്ഷത്തിന് മുകളില്‍ നേരിട്ട് പണമിടപാടുകള്‍ അനുവദിക്കില്ല. ഡിജിറ്റലായുളള പണമിടപാടുകള്‍ നടത്താം. ഇതിനായി എസ്‌ഐടി ശുപാര്‍ശ ചെയ്ത നിര്‍ദേശം സര്‍ക്കാര്‍ അംഗീകരിക്കുകയായിരുന്നു.ഡിജിറ്റല്‍ ഇടപാടുകള്‍ പ്രോഝാഹിപ്പിക്കുന്നതിന്റെ ഭാഗമായാണ് ഇത്.

രാഷ്ട്രീയ പാര്‍ട്ടികള്‍ക്ക് ലഭിക്കുന്ന സംഭാവനകള്‍ക്കും നിയന്ത്രണം ഏര്‍പ്പെടുത്താന്‍ ബജറ്റില്‍ പ്രഖ്യാപനം. രാഷ്ട്രീയക്കാര്‍ പണമായി ഒരാളില്‍ നിന്നും സ്വീകരിക്കാവു തുക ഇനിമുതല്‍ 2000 രൂപ മാത്രം. നേരത്തെ ഇത് 20,000 രൂപയായിരുന്നു.രാഷ്ട്രീയ പാര്‍ട്ടികള്‍ ആദായ നികുതി റിട്ടേണ്‍ സമര്‍പ്പിക്കണം. ഇടപാടുകള്‍ ഡിജിറ്റലാകണം. വ്യവസ്ഥകള്‍ പാലിക്കാത്ത രാഷ്ട്രീയ പാര്‍ട്ടികളുടെ രജിസ്‌ട്രേഷന്‍ റദ്ദാക്കും. സര്‍ക്കാര്‍ ഇടപാടുകള്‍ എല്ലാം ഡിജിറ്റലാക്കാനും ആലോചനയുണ്ടെന്ന് ധനമന്ത്രി ബജറ്റ് പ്രസംഗത്തില്‍ പറഞ്ഞു.മുതിര്‍ന്ന പൗരന്‍മാര്‍ക്കായി സ്മാര്‍ട് കാര്‍ഡുകള്‍. ആധാര്‍ കാര്‍ഡിനെ അടിസ്ഥാനമാക്കിയായിരിക്കും ഇവ.