ആദായ നികുതി ഇളവുകള്‍

ഇനി രണ്ടര ലക്ഷം മുതല്‍ 5 ലക്ഷം വരെ വരുമാനമുള്ളവര്‍ക്ക് 5% മാത്രം ആദായ നികുതി. നേരത്തെ ഇത് 10 ശതമാനമായിരുന്നു. മൂന്ന് ലക്ഷം രൂപ വരെയുള്ള വരുമാനക്കാര്‍ക്ക് നികുതിയില്ല. 50 ലക്ഷം മുതല്‍ 1 കോടി രൂപ വരെ വരുമാനമുള്ളവര്‍ക്ക് 10 ശതമാനം സര്‍ചാര്‍ജ്.
2017ലെ കേന്ദ്ര ബജറ്റില്‍ ആദായ നികുതി പരിധിയില്‍ എന്ത് മാറ്റം വരുമെന്നാണ് ഏവരും ഉറ്റുനോക്കിയിരുന്നത്. നിലവില്‍ രണ്ടര ലക്ഷം രൂപയാണ് ആദായ നികുതി പരിധി.

കോര്‍പ്പറേറ്റ് ടാക്‌സ് 25%മായി കുറച്ചു

കോര്‍പ്പറേറ്റ് ടാക്‌സിന് വന്‍ ഇളവാണ് കേന്ദ്ര ബജറ്റില്‍ ധനമന്ത്രി അരുണ്‍ ജെയ്റ്റ്‌ലി പ്രഖ്യാപിച്ചിരിക്കുന്നത്. 30 ശതമാനമായിരുന്ന കോര്‍പ്പറേറ്റ് ടാക്‌സ് 25 ശതമാനമായി കുറച്ചു.

മുതിര്‍ന്ന പൗരന്‍മാര്‍ക്ക്

ആനുപാതികമായി 60 വയസ്സ് തികഞ്ഞ മുതിര്‍ന്ന പൗരന്മാരുടെ ആദായ നികുതി പരിധി മൂന്നര ലക്ഷമാക്കി ഉയര്‍ത്തുമെന്ന് പ്രതീക്ഷിച്ചിരുന്നു. എന്നാല്‍ ഇതിന് നിലവിലെ പരിധിയില്‍ നിന്ന് വ്യത്യാസമുണ്ടാവില്ല.

ഭവന വായ്പ

വകുപ്പ് 80 സി അനുസരിച്ച് ഉപാധികളോടെ നികുതി ഒഴിവാക്കാവുന്ന തുകയുടെ പരിധി നിലവില്‍ ഒന്നര ലക്ഷമാണ്. ഇത്ിന്റെ പരിധി രണ്ട് ലക്ഷമാക്കി ഉയര്‍ത്തിയിട്ടുണ്ട്. രാജ്യത്ത് 75 ലക്ഷം പേരാണ് ഭവന വായ്പ എടുത്തിരിക്കുന്നത്.

ബാങ്കുകളില്‍ കൂടുതല്‍ പണം എത്തുകയും ഡിജിറ്റല്‍ പണമിടപാട് വര്‍ദ്ധിക്കുകയും ചെയ്ത സാഹചര്യത്തില്‍ കൂടുതല്‍ പേരെ നികുതിദായകരാക്കുകയെന്ന ഉദ്ദേശത്തിലാണ് യൂണിയന്‍ ബജറ്റില്‍ ആദായ നികുതിയില്‍ വന്‍ ഇളവുകള്‍ പ്രഖ്യാപിച്ചിരിക്കുന്നത്.

നോട്ട് അസാധുവാക്കലിനെതിരെ ഉയര്‍ന്ന ജനവികാരം ശമിപ്പിക്കാന്‍ ധനകാര്യ മന്ത്രി അരുണ്‍ ജെയ്റ്റിലി ആദായ നികുതി പരിധി നാല് ലക്ഷം രൂപ വരെയാക്കി ഉയര്‍ത്തുമെന്നായിരുന്നു പ്രതീക്ഷിച്ചിരുന്നത്. നോട്ട് അസാധുവാക്കലിലൂടെ രാജ്യത്തെ സാമ്പത്തിക രംഗത്തുണ്ടായ മുറിവുണക്കാനുള്ള കേന്ദ്രസര്‍ക്കാരിന്റെ ജനക്ഷേമ പദ്ധതികളിലൊന്ന് ആദായ നികുതിയില്‍ അനുവദിച്ച ആനുകൂല്യങ്ങഘള്‍ തന്നെയായിരിക്കും. മൂന്ന് ലക്ഷമെങ്കിലും ആക്കുമെന്ന് സാമ്പത്തിക വിദഗ്ധര്‍ നേരത്തെ കണക്ക് കൂട്ടിയിരുന്നു.