Click it and Unblock the Notifications
പ്രൊഫഷണലുകള്ക്കും വിവിധ മേഖലയിലെ വിദഗ്ദ്ധര്ക്കും മുന്ഗണന നല്കിക്കൊണ്ട് യുഎഇ പുതിയ വിസ പദ്ധതിക്ക് അംഗീകാരം നല്കി.
പ്രൊഫഷണലുകള്ക്കും വിവിധ മേഖലയിലെ വിദഗ്ദ്ധര്ക്കും മുന്ഗണന നല്കിക്കൊണ്ട് യുഎഇ പുതിയ വിസ പദ്ധതിക്ക് അംഗീകാരം നല്കി. യുഎഇ പ്രസിഡന്റായ ഷെയ്ക്ക് മുഹമ്മദ് ബിന് റാഷിദ് അല് മക്തൂമിന്റെ അധ്യക്ഷതയില് ചേര്ന്ന മന്ത്രിസഭായോഗമാണ് വിസ പരിഷ്കരണത്തിന് അംഗീകാരം നല്കിയത്. ഉന്നത് വിദ്യാഭ്യാസമുള്ളവരേയും പ്രതിഭകളേയും ആകര്ഷിക്കുകയെന്നതാണ് പുതിയ പദ്ധതിയുടെ ലക്ഷ്യം.
വിസ പരിഷ്കരണം ഇങ്ങനെ
വിവിധ ഘട്ടങ്ങളിലായാണ് യുഎഇയുടെ പുതിയ വിസ പരിഷ്കരണം നടപ്പിലാക്കുന്നത്. പദ്ധതിയുടെ ആദ്യ ഘട്ടത്തില് ആരോഗ്യം, ടൂറിസം, വിദ്യാഭ്യാസം തുടങ്ങിയ മേഖലകളിലുള്ളവര്ക്കാണ് വിസ നല്കുക. രണ്ടാം ഘട്ടത്തില് ഗവേഷണം, ശാസ്ത്ര-സാങ്കേതികം, സാംസ്കാരിക രംഗങ്ങളെ പരിഗണിക്കും. വ്യത്യസ്ത മേഖലകളിലുള്ള അസാധാരണ പ്രതിഭകളുടെ വിസ നടപടികള് എളുപ്പത്തിലാക്കുകയാണ് യുഎഇയുടെ ലക്ഷ്യം.
നിര്ദ്ദേശങ്ങള് നല്കാന് പ്രത്യേക കമ്മിറ്റികള്
വിസ അനുവദിക്കുന്നതിനുള്ള മേഖലകള് ഏതൊക്കെയെന്ന് പരിശോധിച്ച് മനസ്സിലാക്കി നിര്ദ്ദേങ്ങള് നന്കുന്നതിനായി പ്രത്യേക കമ്മിറ്റി രൂപീകരിച്ചിട്ടുണ്ട്. അന്താരാഷ്ട്ര തലത്തിലും മേഖലാ തലത്തിലും റിപ്പോര്ട്ടുകള് നല്കാനാണ് ഇവരോട് നിര്ദ്ദേശിച്ചിരിക്കുന്നത്. ഈ പരിഷ്കരണത്തിലൂടെ വിവിധ രംഗങ്ങളിലെ വിദഗദ്ധരെ യുഎഇലേക്ക് ആകര്ഷിക്കകയും, അതിലൂടെ ആരോഗ്യം, ടൂറിസം, വിദ്യാഭ്യാസ മേഖലകളെ കൂടുതല് ശക്തിപ്പെടുത്താനാവുമെന്നാണ് പ്രതീക്ഷിക്കുന്നത്.
അന്താരാഷ്ട്ര കമ്പനികള്ക്ക് ഹെഡ്ക്വാര്ട്ടേഴ്സ്
വിസ നടപടികള് ലളിതമാക്കുന്നതോടെ ലൈഫ് സ്റ്റൈല്, ഫിനാന്സ്, അടിസ്ഥാനസൗകര്യം എന്നീ മേഖലകളിലെ അന്താരാഷ്ട്ര കമ്പനികളെ യുഎഇലേക്ക് ആകര്ഷിക്കാന് കഴിയുമെന്നും പ്രതീക്ഷിക്കുന്നു. രാജ്യാന്തര കമ്പനികള്ക്ക് യുഎഇയില് ഹെഡ്ക്വാര്ട്ടേഴ്സ് സ്ഥാപിക്കാനാവശ്യമായ സഹായം നല്കുന്നതുള്പ്പെടെയുള്ള പദ്ധതികളും പുതിയ പരിഷ്കരണത്തില് ഉള്പ്പെടുത്തിയിട്ടുണ്ട്.
മലയാളികള്ക്കും ഗുണകരം
യുഎഇയുടെ പുതിയ വിസ പരിഷ്കരണം മലയാളികള്ക്കും ഏറെ പ്രയോജനം ചെയ്യുമെന്നാണ് കരുതുന്നത്. സാങ്കേതിക വിദ്യാഭ്യാസത്തില് ഏറെ മുന്നേറിയ മലയാളി യുവാക്കള്ക്ക് വന് അവസരങ്ങള് യുഎഇയുടെ വിസ പരിഷ്കരണ സംവിധാനം വഴി ലഭിക്കുമെന്നാണ് വിലയിരുത്തല്.
Sign in with Google