Click it and Unblock the Notifications
പിണറായി സര്ക്കാറിന്റെ കന്നി ബജറ്റും ധനമന്ത്രി തോമസ് ഐസക്കിന്റെ എട്ടാമത്തെ ബജറ്റിനുമാണ് മാര്ച്ച് 3ന് കേരളം സാക്ഷ്യം വഹിക്കാന് പോകുന്നത്.
സംസ്ഥാന ചരിത്രത്തില് ആദ്യമായാണ് നികുതി നിര്ദേശങ്ങളില്ലാത്ത ബജറ്റ് അവതരിപ്പിക്കാന് ഒരുങ്ങുന്നത്. പിണറായി സര്ക്കാറിന്റെ കന്നി ബജറ്റും ധനമന്ത്രി തോമസ് ഐസക്കിന്റെ എട്ടാമത്തെ ബജറ്റിനുമാണ് മാര്ച്ച് 3ന് കേരളം സാക്ഷ്യം വഹിക്കാന് പോകുന്നത്. നിത്യോപയോഗ സാധനങ്ങള്ക്കു വിലകൂടുമെന്ന ആശങ്കയും വില കുറയുമെന്ന പ്രതീക്ഷയുമില്ലാത്ത സംസ്ഥാന ബജറ്റ് വരുന്നത്.
സംസ്ഥാന ബജറ്റിനു പിന്നാലെ ഉല്പന്ന- സേവന നികുതി (ജിഎസ്ടി) രാജ്യമാകെ നടപ്പാക്കുന്നതിനാലാണ് പിണറായി സര്ക്കാരിന്റെ ആദ്യ സമ്പൂര്ണ ബജറ്റില് പുതിയ നികുതി നിര്ദേശങ്ങള് ഒഴിവാക്കുന്നത്. ജിഎസ്ടി വഴി നികുതിയായും
മറ്റും എത്ര തുക അടുത്ത സാമ്പത്തിക വര്ഷം സംസ്ഥാന ഖജനാവില് എത്തുമെന്നു വ്യക്തതയില്ലാത്തതില് ബജറ്റിലെ പ്രഖ്യാപനങ്ങളിലും ഈ ആശയക്കുഴപ്പം നിഴലിക്കുമെന്നാണു സൂചന.
എന്നാല്, വ്യാപാരികള്ക്ക് ഈ സംസ്ഥാന ബജറ്റില് വന് ഇളവുകളുണ്ടാകുമെന്നു സൂചനയുണ്ട്. വന് വിറ്റുവരവുണ്ടായിട്ടും അനുമാന നികുതി മാത്രം അടച്ചതായി കണ്ടെത്തിയവര്ക്കുമേല് ചുമത്തിയ നികുതിയില് കാര്യമായ ഇളവുണ്ടാകും. ജിഎസ്ടിയിലേക്കു പോകുന്നതിനു മുന്പ് പഴയ വാറ്റ് നികുതിയിലെ കുടിശിക പരമാവധി തീര്പ്പാക്കുകയാണു ലക്ഷ്യം. കാല് ലക്ഷത്തോളം വ്യാപാരികള്ക്ക് ഇതിന്റെ ആനുകൂല്യം ലഭിക്കും. പതിമൂന്നാം പഞ്ചവല്സര പദ്ധതിയിലേക്കു സര്ക്കാര് കടക്കുന്നതിനാല് ദീര്ഘ വീക്ഷണത്തോടെയുള്ള പദ്ധതികളും ബജറ്റില് പ്രതീക്ഷിക്കാം.
Sign in with Google