എടിഎം ചാര്‍ജുകള്‍ വര്‍ദ്ധിപ്പിക്കാന്‍ സാധ്യത, സൗജന്യ ഉപയോഗത്തിന്റെ എണ്ണവും കുറച്ചേക്കും

Posted By: Shyncy
Subscribe to GoodReturns Malayalam

എടിഎം ചാര്‍ജുകള്‍ വര്‍ദ്ധിപ്പിക്കുകയോ സൗജന്യ ഉപയോഗത്തിന്റെ എണ്ണം കുറയ്ക്കുകയോ ചെയ്യാന്‍ ബാങ്കുകള്‍ ആലോചിക്കുന്നതായി പുതിയ റിപ്പോര്‍ട്ടുകള്‍. കറന്‍സി നോട്ടുകളുടെ ഉപയോഗം കുറയ്ക്കുന്നതിന്റെയും ഡിജിറ്റല്‍ ഇടപാടുകള്‍ പ്രോഝാഹിപ്പിക്കുന്നതിന്റേയും ഭാഗമായാണ് ബാങ്കുകളുടെ പുതിയ നീക്കം. ഉന്നത ബാങ്ക് ഉദ്യോഗസ്ഥരെ ഉദ്ധരിച്ച് ദേശീയ മാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്തത്. എന്നാല്‍ സര്‍വ്വീസ് ചാര്‍ജ് വര്‍ദ്ധിപ്പിക്കാനും എടിഎമ്മില്‍ നിന്നുള്ള സൗജന്യ ഇടപാടുകളുടെ എണ്ണം കുറയ്ക്കാനും സംബന്ധിച്ച അന്തിമ തീരുമാനം ആയിട്ടില്ലെന്നും ഇവര്‍ പറയുന്നു.

എടിഎം ചാര്‍ജുകള്‍ വര്‍ദ്ധിപ്പിക്കാന്‍ സാധ്യത

നവംബര്‍ എട്ടിന് നോട്ട് നിരോധനം വന്ന ശേഷം നടപ്പാക്കിയ നിയന്ത്രണങ്ങള്‍ മാര്‍ച്ച് 13ന് അവസാനിക്കാനിരിക്കെയാണ് ബാങ്കുകളുടെ പുതിയ നീക്കം. കേന്ദ്ര സര്‍ക്കാര്‍ 1000, 500രൂപ നോട്ടുകള്‍ അസാധുവാക്കിയ സാഹചര്യത്തില്‍ എടിഎം ചാര്‍ജുകള്‍ പിന്‍വലിച്ചിരുന്നു. എന്നാല്‍ ജനുവരി മുതല്‍ സര്‍വ്വീസ് ചാര്‍ജുകള്‍ വീണ്ടും ഈടാക്കി തുടങ്ങുകയായിരുന്നു.

നിലവില്‍ അക്കൗണ്ടുള്ള ബാങ്കിന്റെ എടിഎമ്മില്‍ നിന്ന് അഞ്ച് തവണയാണ് സൗജന്യമായി പണം പിന്‍വലിക്കാന്‍ സാധിക്കുന്നത്. അതിന് ശേഷമുള്ള ഓരോ ഇടപാടിനും 20 രൂപയും, ബാലന്‍സ് അറിയുന്നതുള്‍പ്പെടെയുള്ള മറ്റ് സേവനങ്ങള്‍ക്ക് 8.50 രൂപയുമാണ് സര്‍വ്വീസ് ചാര്‍ജ് ഈടാക്കുന്നത്.

ഇതിനിടെ രാജ്യത്തെ പ്രമുഖ സ്വകാര്യ ബാങ്കുകള്‍ ബാങ്കില്‍ നിന്ന് നേരിട്ടുള്ള പണമിടപാടുകള്‍ക്ക് സര്‍വ്വീസ് ചാര്‍ജ് ഏര്‍പ്പെടുത്തി. ഇത് പ്രകാരം, ബാങ്കിന്റെ ബ്രാഞ്ചിലെത്തി ഒരു മാസം നാലില്‍ കൂടുതല്‍ തവണ അക്കൗണ്ടില്‍ പണം നിക്ഷേപിക്കുകയോ പണം പിന്‍വലിക്കുകയോ ചെയ്താല്‍ കുറഞ്ഞത് 150 രൂപ സര്‍വീസ് ചാര്‍ജ് നല്‍കണം.

Read Also: ബാങ്കില്‍ നിന്ന് നേരിട്ടുള്ള ഇടപാടുകള്‍ക്ക് സര്‍വ്വീസ് ചാര്‍ജ് ഏര്‍പ്പെടുത്തി സ്വകാര്യ ബാങ്കുകള്‍


English summary

Banks are moving to hike atm charges

Banks are moving to hike atm charges
Story first published: Thursday, March 2, 2017, 14:52 [IST]
Please Wait while comments are loading...
Company Search
Enter the first few characters of the company's name or the NSE symbol or BSE code and click 'Go'
Thousands of Goodreturn readers receive our evening newsletter.
Have you subscribed?

Find IFSC