സ്റ്റേറ്റ് ബാങ്ക് ഓഫ് ഇന്ത്യ ഭവനവായ്പാ പലിശയില്‍ വീണ്ടും കുറവ് വരുത്തി. 75 ലക്ഷത്തിനു മുകളിലുള്ള പുതിയ ഭവന വായ്പയ്ക്ക് അടിസ്ഥാന നിരക്കില്‍ 0.1 ശതമാനം കുറവാണ് വരുത്തിയിരിക്കുന്നത്.

ഇതുപ്രകാരം 8.60 ആയിരിക്കും പുതിയ പലിശ നിരക്ക്. സ്ത്രീകള്‍ക്ക് ഇത് 8.55 ശതമാനമാണ്. പുതിയ നിരക്ക് ജൂണ്‍ 15ന് നിലവില്‍ വരും.

രണ്ടു മാസത്തിനിടയില്‍, എസ്.ബി.ഐ.യുടെ രണ്ടാമത്തെ പലിശ കുറയ്ക്കലാണിത്. 30 ലക്ഷം രൂപ വരെയുള്ള ഭവന വായ്പയുടെ പലിശ എസ്.ബി.ഐ. കഴിഞ്ഞ മാസം 8.35 ശതമാനമായി കുറച്ചിരുന്നു.

കഴിഞ്ഞ ഏഴിന് പ്രഖ്യാപിച്ച ധനനയ നിര്‍ണയത്തില്‍ റിസര്‍വ് ബാങ്ക് ഭവന വായ്പകളിന്മേല്‍ ബാങ്കുകള്‍ക്കുള്ള റിസ്‌ക് വെയിറ്റേജ് 50 ശതമാനം കുറച്ചിരുന്നു. എന്നാല്‍ രാജ്യത്തെ ഏറ്റവും കുറഞ്ഞ ഭവന വായ്പാ പലിശ എസ്.ബി.ഐയുടേതാണ്.

malayalam.goodreturns.in