പലിശ നിരക്ക്

ഒരു വർഷം മുതൽ 455 ദിവസം വരെ കാലാവധിയുള്ള ഫിക്സഡ് ഡിപ്പോസിറ്റുകളുടെ നിരക്ക് മുമ്പ് 6.9 ശതമാനത്തിൽ നിന്ന് 6.5 ശതമാനമായി കുറച്ചിരുന്നു. കൂടാതെ 456 മുതൽ 2 വർഷത്തിൽ താഴെ വരെ കാലാവധിയിൽ നിക്ഷേപിക്കുന്ന ഫിക്സഡ് ഡിപ്പോസിറ്റുകളുടെ പലിശ നിരക്ക് 6.75 ശതമാനത്തിൽ നിന്ന് 6.5 ശതമാനമായും കുറച്ചു.

മാറ്റമില്ല

ഒരു വ‍ർഷത്തിൽ കുറവും രണ്ട് വ‍‍ർഷത്തിൽ കൂടുതലും കാലയളവിൽ നിക്ഷേപിക്കുന്ന ഫിക്സഡ് ഡിപ്പോസിറ്റുകളുടെ പലിശ നിരക്കിൽ വ്യത്യാസമില്ല. ഒരു വ‍‍ർഷത്തിനും രണ്ട് വർഷത്തിനുമിടയിൽ നിക്ഷേപിക്കുന്ന സ്ഥിരനിക്ഷേപത്തിന് മാത്രമാണ് പലിശ കുറയുക.

മുതിർന്ന പൗരന്മാർ

ഒരു കോടിക്ക് താഴെയുള്ള നിക്ഷേപങ്ങൾക്കാണ് പലിശയിൽ വന്നിരിക്കുന്ന മാറ്റം ബാധകമാകുന്നത്. മറ്റ് നിക്ഷേപകരെ അപേക്ഷിച്ച് മുതിർന്ന പൗരന്മാർക്ക് 50 ബേസിസ് പോയിന്റുകൾ കൂടുതൽ ലഭിക്കും. എന്നാൽ ഒരു വ‍ർഷം മുതൽ രണ്ട് വ‍‍ർഷം വരെ കാലാവധിയിൽ പണം നിക്ഷേപിക്കുന്ന മുതിർന്ന പൗരന്മാ‍‍ർക്കും പലിശ കുറയും.

കുറഞ്ഞ തുക

ഒരു എസ്ബിഐ ഫിക്സഡ് ഡിപ്പോസിറ്റ് തുടങ്ങാൻ ആവശ്യമായ ഏറ്റവും കുറഞ്ഞ തുക 1,000 രൂപയാണ്. കാലാവധി 7 ദിവസം മുതൽ 10 വർഷം വരെയാകാം. നിക്ഷേപങ്ങളിൽ നിന്ന് വായ്പ സൗകര്യവും എസ്ബിഐ നൽകുന്നുണ്ട്.