എസ്ബിടി ചെക്ക് കൈയിലുണ്ടോ? കാലാവധി സെപ്തംബ‍‍ർ 30 വരെ മാത്രം
എസ്ബിടിയും എസ്ബിഐയും ലയിച്ചതോടെ എസ്ബിടിയുടെ പഴയ ചെക്കുകളുടെ കാലാവധി സെപ്തംബ‍ർ 30ന് അവസാനിക്കും. എസ്ബിടി അക്കൗണ്ടുള്ളവ‍ർ സെപ്തംബ‍ർ 30ന് മുമ്പ് എസ്ബിഐ ചെക്ക് ബുക്ക് വാങ്ങണമെന്ന് ബാങ്ക് അധികൃത‍ർ അറിയിച്ചു.

ബാങ്കിന്റെ ഐഎഫ്എസ്സി കോഡും മറ്റും മാറിയതിനാൽ സെപ്തംബ‍ർ 30ന് ശേഷം എസ്ബിടി ചെക്കുപയോ​ഗിച്ചുള്ള ഇടപാടുകൾ നടത്താനാകില്ല. പുതിയ ചെക്ക്ബുക്ക് വേണ്ടവ‍ർക്ക് ബാങ്കിൽ അപേക്ഷിക്കാവുന്നതാണ്.

പുതിയ ചെക്ക്ബുക്ക് ലഭിക്കാൻ പഴയ ചെക്ക്ബുക്ക് ബാങ്കിൽ തിരിച്ചേൽപ്പിക്കേണ്ടതില്ല. പുതിയ പാസ്ബുക്ക് വേണ്ടവ‍ർക്കും അപേക്ഷിക്കാവുന്നതാണ്.

ജൂൺ 30 വരെ ഉപഭോക്താക്കൾക്ക് എസ്.ബി.ടിയുടെ ഐഎഫ്എസ്സി കോ‍ഡ് ഉപയോ​ഗിക്കാമായിരുന്നു. എന്നാൽ ഇപ്പോൾ പണമിടപാടുകൾക്ക് പുതിയ ഐഎഫ്എസ്സി കോഡ് ആവശ്യമാണ്.

malayalam.goodreturns.in