ആദായ നികുതി റിട്ടേണ്‍ ഫയല്‍ ചെയ്യുന്നത് വൈകിയാല്‍ 10,000 രൂപവരെ പിഴ ഈടാക്കും. എന്നാൽ അടുത്തവര്‍ഷം മുതല്‍ മാത്രമേ ഇത് ബാധകമാകൂ. ഐടി ആക്ടിലെ പുതിയ സെക്ഷനായ 234എഫ് പ്രകാരമാണ് പിഴ ഈടാക്കുക.

2018 ഏപ്രില്‍ ഒന്നു മുതലാകും പിഴ ഈടാക്കുന്നത് ബാധകമാകുക. അതിനാൽ 2016-17 സാമ്പത്തിക വര്‍ഷത്തെ റിട്ടേണ്‍ ഫയല്‍ ചെയ്യുന്നതിന് പിഴ ഈടാക്കില്ല. ജൂലായ് 31ആണ് റിട്ടേണ്‍ ഫയല്‍ ചെയ്യേണ്ട അവസാന തീയതി.

റിട്ടേണ്‍ ഫയല്‍ ചെയ്യേണ്ട തീയതി കഴിഞ്ഞ് ഡിസംബര്‍ 31നുള്ളില്‍ റിട്ടേണ്‍ നല്‍കിയാല്‍ 5,000 രൂപയാണ് പിഴയായി നല്‍കേണ്ടി വരിക. അതിനുശേഷമാണ് റിട്ടേണ്‍ നല്‍കുന്നതെങ്കില്‍ 10,000 രൂപയായിരിക്കും പിഴ ഈടാക്കുക.

വാർഷിക വരുമാനം അഞ്ച് ലക്ഷത്തില്‍ താഴെയുള്ളവർക്ക് പരമാവധി 1000 രൂപയാണ് പിഴ ഈടാക്കുക.

malayalam.goodreturns.in