സ്വർണവില പവന് 120 രൂപ കൂടി

കൊച്ചി: സ്വർണവില പവന് 120 രൂപ കൂടി. 20,920 രൂപയാണ് ഇന്നത്തെ വിപണി വില. ഗ്രാമിന് 15 രൂപ കൂടി 2615 രൂപയ്ക്കാണ് വ്യാപാരം പുരോഗമിക്കുന്നത്.

ഈ മാസത്തെ ഏറ്റവും താഴ്ന്ന നിരക്ക് 20,720 രൂപയാണ്. പവൻ വില 640 രൂപ കുറഞ്ഞ് ഈ ആഴ്ച്ച ആദ്യം തന്നെയാണ് നിരക്ക് ഇത്രയും താഴ്ന്നത്.
കഴിഞ്ഞ ആറു മാസത്തിനിടെ സ്വർണവില ഏറ്റവും കൂടുതൽ താഴ്ന്ന ആഴ്ച കൂടിയായിരുന്നു ഇത്.

അന്താരാഷ്ട്ര വിപണിയിലുണ്ടായ വില ഇടിവാണ് ഇതിന് കാരണം. ജിഎസ്ടിയും സ്വ‍‍ർണത്തിന്റെ വിലയിടിവിന് കാരണമാണെന്ന് വ്യാപാരികൾ പറയുന്നു.

ജി.എസ്.ടി പ്രാബല്യത്തിൽ വന്നതോടെ പഴയ സ്വര്‍ണം മാറ്റി വാങ്ങുമ്പോള്‍ നികുതി നല്‍കേണ്ടി വരുമോ എന്ന് ആശങ്കയിലായിരുന്നു ജനം. എന്നാൽ പഴയ സ്വർണം വിൽക്കുന്നതിന് ജിഎസ്ടി ബാധകമല്ലെന്ന് റവന്യൂ വകുപ്പ് കഴിഞ്ഞ ദിവസം വ്യക്തമാക്കിയിരുന്നു.

malayalam.goodreturns.in