വെബ്സൈറ്റ് നിലച്ചു

രണ്ടുകോടിയിലധികം പേർ ഇതുവരെ റിട്ടേൺ ഫയൽ ചെയ്തെന്നാണ് വിവരം. അതേസമയം, റിട്ടേൺ സമർപ്പിക്കുന്നതിനുള്ള കാലാവധി അവസാനിക്കുന്നതിനാൽ തിരക്കുമൂലം ആദായനികുതി വകുപ്പിന്റെ വെബ്സൈറ്റിന്റെ പ്രവർത്തനം നിലച്ചിരിക്കുകയാണ്. ഇത് മൂലമാണ് തീയതി നീട്ടിയതെന്ന് അധികൃതർ പറഞ്ഞു.

ബുദ്ധിമുട്ടുകൾ പലവിധം

ആദായ നികുതി റിട്ടേൺ സമർപ്പിക്കാൻ ഇത്തവണ നികുതിദായകർക്ക് പല ബുദ്ധിമുട്ടുകളും നേരിടേണ്ടി വന്നിട്ടുണ്ട്. അതിൽ പ്രധാനപ്പെട്ടത് പാനും ആധാറും തമ്മിൽ ബന്ധിപ്പിക്കലായിരുന്നു. നിരവധി പേർക്ക് ഇതുവരെ പാനും ആധാറും തമ്മിൽ ബന്ധിപ്പിക്കാനായിട്ടില്ല. ഇവ ബന്ധിപ്പിക്കാതെ ആദായ നികുതി റിട്ടേണും ഫയൽ ചെയ്യാനാകില്ല.

ജിഎസ്ടി ഇഫക്ട്

ജിഎസ്ടി പ്രാബല്യത്തിൽ വന്നതോടെ ചാര്‍ട്ടേഡ് അക്കൗണ്ടന്റുമാര്‍ ഉള്‍പ്പടെയുള്ളവര്‍ തിരക്കിലാണ്. ഇതും തീയതി നീട്ടാൻ കാരണമാണ്.

കഴിഞ്ഞ വർഷം

കഴിഞ്ഞ വർഷവും ആദായ നികുതി റിട്ടേണ്‍ സമര്‍പ്പിക്കുന്നതിനുള്ള അവസാന തീയതി നീട്ടിയിരുന്നു. ജൂലൈ 31 തന്നെയായിരുന്നു അന്നും അവസാന ദിനം. എന്നാൽ ജൂലൈ 31 ഞായറാഴ്ചയായതും ബാങ്ക് പണിമുടക്കുണ്ടായിരുന്നതുമാണ് തീയതി നീട്ടാന്‍ കാരണമായത്. മുൻ വർഷങ്ങളിൽ ആഗസ്റ്റ് 31ലേക്കും പിന്നീട് സെപ്തംബര്‍ 31ലേക്കും വരെ തീയതി നീട്ടിയിട്ടുണ്ട്.