എസ്‍യുവികളുടെയും ആഡംബര കാറുകളുടെയും നികുതി ഭാരം ഉടൻ ഉയരും. ചരക്ക് സേവന നികുതി (ജിഎസ്ടി) പ്രാബല്യത്തിൽ വന്നപ്പോൾ ഇവയുടെ നികുതി 28 ശതമാനവും സെസ് 15 ശതമാനവുമായിരുന്നു. എന്നാൽ ജിഎസ്ടി ഉന്നതാധികാര സമിതിയുടെ പുതിയ തീരുമാനം അനുസരിച്ച് 28 ശതമാനം ജിഎസ്ടിയും 25 ശതമാനും സെസുമായി ഉയർത്താനാണ് തീരുമാനം.

സർക്കാ‍ർ ഇതിനായി നിയമ ഭേദ​ഗതി വരുത്തണമെന്ന് ജിഎസ്ടി കൗൺസിൽ നി‍ർദ്ദേശിച്ചിട്ടുണ്ട്. നിയമ ഭേദ​ഗതിക്ക് ശേഷമാകും നിരക്ക് വർദ്ധന എന്ന് മുതൽ വേണമെന്ന കാര്യത്തിൽ തീരുമാനമെടുക്കുക.

പുതിയ തീരുമാന പ്രകാരമുള്ള വർദ്ധനവ് ചെറിയ കാറുകൾക്ക് ബാധകമാകില്ല. എന്നാൽ വൈദ്യുതി കൂടി ഇന്ധനമായി ഉപയോ​ഗിക്കുന്ന ഹൈബ്രിഡ് കാറുകൾക്ക് 28 ശതമാനം നികുതിയും 25 ശതമാനം സെസുമാകും ഈടാക്കുക.

ജിഎസ്ടി കൗൺസിലിന്റെ പുതിയ തീരുമാനം ആഡംബര കാ‍ർ വിപണിക്ക് വൻ തിരിച്ചടിയാകാനാണ് സാധ്യത. ഇടയ്ക്കിടെയുള്ള ഇത്തരം നികുതി മാറ്റങ്ങൾ വ്യവസായത്തെ കാര്യമായി ബാധിക്കുമെന്നാണ് നിരീക്ഷകരുടെ വിലയിരുത്തൽ.

malayalam.goodreturns.in