തുടക്കം എസ്ബിഐ

രാജ്യത്തെ പൊതുമേഖലാ ബാങ്കായ എസ്ബിഐയാണ് ആദ്യം പലിശ നിരക്കുകൾ വെട്ടിക്കുറച്ചത്. പലിശ നിരക്ക് 4 ശതമാനത്തിൽ നിന്ന് 3.5 ശതമാനമായാണ് കുറച്ചിരിക്കുന്നത്. എന്നാൽ ഒരു കോടി രൂപ വരെയുള്ള നിക്ഷേപങ്ങൾക്കാണ് ഇത് ബാധകം.

പലിശ നിരക്ക് കുറയ്ക്കാൻ കാരണം

നാണയപ്പെരുപ്പനിരക്കും ഉയർന്ന യഥാർത്ഥ പലിശ നിരക്കിലെ കുറവുമാണ് പലിശനിരക്ക് പരിഷ്ക്കരിക്കാൻ പ്രധാന കാരണം. എസ്ബിഐ ജനുവരി 1 മുതൽ എംസിഎൽആർ 90 ബേസിസ് പോയിന്റ് കുറച്ചിരുന്നു.

ബാങ്ക് ഓഫ് ബറോഡ

എസ്ബിഐയ്ക്ക് പിന്നാലെ ബാങ്ക് ഓഫ് ബറോഡയും സേവിംഗ്സ് ബാങ്ക് നിക്ഷേപത്തിന്റെ പലിശ നിരക്ക് കുറച്ചിരുന്നു. 50 ലക്ഷം രൂപ വരെയുള്ള നിക്ഷേപങ്ങളുടെ പലിശ നിരക്ക് 3.5 ശതമാനമായാണ് ബാങ്ക് ഓഫ് ബറോഡ കുറച്ചിരിക്കുന്നത്. 50 ലക്ഷത്തിന് മുകളിലുള്ള നിക്ഷേപങ്ങളുടെ പലിശ നിരക്ക് 4 ശതമാനമായിരിക്കും.

കർണാടക ബാങ്ക്

കര്‍ണാടക ബാങ്കും സമാനമായ രീതിയില്‍ തന്നെയാണ് പലിശ നിരക്ക് പരിഷ്‌കരിച്ചിരിക്കുന്നത്. റിസര്‍വ് ബാങ്ക് റിപ്പോ നിരക്കില്‍ കാല്‍ ശതമാനത്തിന്റെ കുറവ് വരുത്തിയതോടെയാണ് വായ്പ പലിശ നിരക്കുകള്‍ കുറയാനുള്ള സാഹചര്യമൊരുങ്ങിയത്.