ഓണത്തോടനുബന്ധിച്ച് റെനോ ഡസ്റ്റർ എസ്‌യുവി വമ്പൻ ഓഫറുമായി രംഗത്ത്. രണ്ടു ലക്ഷം രൂപ വരെ വിലക്കുറവിൽ നിങ്ങൾക്ക് വാഹനം സ്വന്തമാക്കാമെന്നാണ് ഓഫർ.

എന്നാൽ നിലവില്‍ ഡസ്റ്റര്‍ കാര്‍ ഉടമകളായ ഗ്യാങ് ഓഫ് ഡസ്റ്റര്‍ ഗ്രൂപ്പിലെ അംഗങ്ങള്‍ക്ക് മാത്രമേ ഈ ഓഫര്‍ ലഭിക്കുകയുള്ളൂ. ഡസ്റ്റർ ഉടമകളെ ഇ-മെയിൽ വഴിയാണ് റെനോ ഇന്ത്യ ഓഫർ വിവരം അറിയിച്ചത്.

85 പിഎസ് ഡീസല്‍ സ്റ്റാന്‍ഡേര്‍ഡ്, 110 പിഎസ് അഡ്വേഞ്ചര്‍ എഡിഷന്‍ എന്നീ രണ്ടു വേരിയന്റുകൾക്കാണ് കമ്പനി ഓഫ‍ർ വാ​ഗ്ദാനം ചെയ്തിരിക്കുന്നത്. കൂടാതെ 10000 രൂപയുടെ എക്‌സ്‌ച്ചേഞ്ച്‌ ഓഫറും 7000 രൂപയുടെ കോര്‍പ്പറേറ്റ് ബോണസും കമ്പനി വാ​ഗ്ദാനം ചെയ്തിട്ടുണ്ട്.

നിലവിലുള്ള സ്‌റ്റോക്ക് എത്രയും പെട്ടെന്ന് വിറ്റഴിച്ച് പുതിയ റെനോ ക്യാപ്ച്ചറിനെ വരവേല്‍ക്കുന്നതിന്റെ ഭാ​ഗമാണ് ഓഫറെന്നാണ് വിലയിരുത്തൽ. ക്യാപ്ച്ചര്‍ ഈ വര്‍ഷം ഒക്ടോബറില്‍ പുറത്തിറങ്ങും. ക്വിഡും ഡസ്റ്ററും സമ്മാനിച്ച വിജയക്കുതിപ്പ് ക്യാപ്ച്ചറിലും തുടരാനാണ് കമ്പനിയുടെ ലക്ഷ്യം. ടോപ് വേരിന്റിന് ഏകദേശം 15 ലക്ഷത്തിനുള്ളിലായിരിക്കും വിപണി വില.

malayalam.goodreturns.in