മ്യൂച്വൽ ഫണ്ട് വഴി നടക്കുന്ന കള്ളപ്പണം വെളുപ്പിക്കൽ തടയുന്നതിന്റെ ഭാഗമായി മ്യൂച്വൽ ഫണ്ട് നിക്ഷേപങ്ങൾക്കും ആധാർ നിർബന്ധമാക്കി. ഇതിനായി 2017ലെ കള്ളപ്പണം വെളുപ്പിക്കൽ തടയുന്നതിനുള്ള നിയമം (പ്രിവൻഷൻ ഓഫ് മണി ലോണ്ടറിംഗ് ആക്ട്) ഭേദഗതി ചെയ്തു.
ആധാർ മ്യൂച്വൽ ഫണ്ടുമായി ബന്ധിപ്പിക്കുന്നതിന് രജിസ്ട്രാർ ആൻഡ് ട്രാൻസ്ഫർ ഏജന്റായ കമ്പ്യൂട്ടർ ഏജ് മാനേജ്മെൻറ് സർവീസസ് ഓൺലൈൻ സംവിധാനം ഏർപ്പെടുത്തിയിട്ടുണ്ട്. മറ്റ് രജിസ്ട്രാർ ആൻഡ് ട്രാൻസ്ഫർ ഏജന്റുകളായ കർവിയും സുന്ദരം ബിഎൻപി പാരിബ ഫണ്ട് സർവീസും ഈ സേവനം ആരംഭിച്ചിട്ടില്ല. നിങ്ങളുടെ ആദ്യത്തെ മ്യൂച്ച്വൽ ഫണ്ട് സ്കീം എങ്ങനെ തെരഞ്ഞെടുക്കണം?
ഡിസംബർ 31 ആണ് മ്യൂച്വൽ ഫണ്ടുകൾ ആധാറുമായി ബന്ധിപ്പിക്കേണ്ട് അവസാന ദിനം. ഓഹരി, മ്യൂച്വൽ ഫണ്ട് നിക്ഷേപങ്ങൾക്ക് ആധാർ നിർബന്ധമാക്കിയാൽ കള്ളപ്പണം വെളുപ്പിക്കൽ ഒരു പരിധി വരെ തടയാനാകുമെന്നും നിരീക്ഷകർ പറയുന്നു.
മറ്റ് നിരവധി മേഖലകളിലും ആധാർ ഇപ്പോൾ നിർബന്ധമാണ്. വോട്ടേഴ്സ് ഐഡി കാര്ഡും ആധാറുമായി ബന്ധിപ്പിക്കേണ്ടി വരുമെന്നാണ് ഏറ്റവും ഒടുവിൽ പുറത്തു വന്ന വിവരം. മ്യൂച്ചല്ഫണ്ടുകള് എന്താണ്? എങ്ങനെ നിക്ഷേപിക്കാം? ഇത് ലാഭകരമാണോ? അറിയേണ്ട കാര്യങ്ങള്
malayalam.goodreturns.in