ആഡംബര കാറുകളോട് ഇന്ത്യക്കാർക്ക് പ്രിയമേറുന്നു. 2017 ജൂലൈ മുതൽ സെപ്റ്റംബർ വരെയുള്ള മൂന്നാം പാദത്തിൽ മെഴ്സിഡീസ് ബെൻസ് ഇന്ത്യ 4698 കാറുകൾ വിറ്റു. മുൻ വർഷം ഇതേ കാലയളവിലേതിനെക്കാൾ 41% കൂടുതലാണിത്.
മെഴ്സിഡീസ്-ബെൻസ് ഇന്ത്യയുടെ ചരിത്രത്തിലെ ഏറ്റവും മികച്ച വിൽപന വളർച്ചയാണ് മൂന്നാം പാദത്തിൽ കൈവരിച്ചതെന്നു മാനേജിങ് ഡയറക്ടർ റോളൻഡ് ഫോൾഗർ പറഞ്ഞു. ഇക്കൊല്ലം ജനുവരി മുതൽ സെപ്റ്റംബർ വരെ 11869 കാറുകളാണ് വിറ്റത്.
കഴിഞ്ഞ വർഷത്തേതിനേക്കാൾ 19.6% കൂടുതലാണിത്. വീൽ ബെയ്സ് കൂടുതലുള്ള പുതിയ ഇ-ക്ലാസ് സെഡാനാണ് ഏറ്റവുമധികം വിറ്റത്. രണ്ടാം സ്ഥാനത്ത് സി-ക്ലാസ് സെഡാൻ.
ജിഎസ്ടി നടപ്പിലാക്കിയതോടെ ആഡംബര കാറുകളുടെയും എസ്യുവി (സ്പെയിസ് യൂട്ടിലിറ്റി വെഹിക്കിള്) വാഹനങ്ങളുടെയും നികുതി 15 ശതമാനത്തില് നിന്നും 25 ശതമാനമായി കേന്ദ്രസര്ക്കാര് ഉയര്ത്തിയിരുന്നു. എന്നാൽ ഇത് ആഡംബര കാർ വിപണിയെ ബാധിച്ചിട്ടില്ലെന്ന് വ്യക്തമാക്കുന്നതാണ് ബെൻസിന്റെ വിൽപ്പനയിലുള്ള വളർച്ച.
malayalam.goodreturns.in