എസ്ബിഐയില് ലയിച്ച അസോസിയേറ്റ് ബാങ്കുകളുടെ ചെക്ക് ബുക്കുകള് ഡിസംബര് 31വരെ ഉപയോഗിക്കാം. സെപ്റ്റംബര് 30 വരെയായിരുന്നു നേരത്തെ അസോസിയേറ്റ് ബാങ്കുകളുടെ ചെക്ക്ബുക്കുകൾക്ക് കാലാവധി നൽകിയിരുന്നത്.
എന്നാൽ റിസര്വ് ബാങ്കിന്റെ നിര്ദേശ പ്രകാരമാണ് ഇപ്പോൾ കാലാവധി ഡിസംബര് അവസാനം വരെ ദീര്ഘിപ്പിച്ചത്. എത്രയും വേഗം പുതിയ ചെക്കുബുക്കുകള്ക്ക് അപേക്ഷിക്കണമെന്ന് കഴിഞ്ഞ ദിവസം എസ്ബിഐ ഉപഭോക്താക്കളോട് ആവശ്യപ്പെട്ടിരുന്നു.
എന്നിട്ടും പല അക്കൗണ്ട് ഉടമകള്ക്കും പുതിയ ചെക്ക് ബുക്കുകള് ലഭ്യമായിരുന്നില്ല. ഇതേ തുടര്ന്നാണ് കാലാവധി ദീര്ഘിപ്പിച്ചത്. ഓണ്ലൈന്, മൊബൈല് ബാങ്കിംഗ്, എടിഎം എന്നിവ വഴി ചെക്ക്ബുക്കുകള്ക്ക് അപേക്ഷിക്കാം.
ഡിസംബർ 31ന് മുമ്പ് പുതിയ ചെക്ക് ബുക്കുകൾക്ക് അപേക്ഷ അയയ്ക്കണമെന്ന് എസ്ബിഐ അറിയിച്ചു. എസ്ബിഐ അടുത്തിടെ അക്കൗണ്ടിൽ മിനിമം ബാലൻസ് ഇല്ലെങ്കിൽ ഈടാക്കുന്ന പിഴ കുറച്ചിരുന്നു. കൂടാതെ എസ്.ബി.ഐ അക്കൗണ്ടുകള് ക്ലോസ് ചെയ്യാന് ഈടാക്കിയിരുന്ന സര്വ്വീസ് ചാര്ജ്ജും പിന്വലിച്ചിരുന്നു.
malayalam.goodreturns.in