ജിഎസ്ടി ഈടാക്കുന്ന വ്യാപാരികളുടെ വിവരങ്ങൾ അറിയാൻ ജിഎസ്ടി വകുപ്പ് മൊബൈൽ ആപ്പ് വികസിപ്പിച്ചു. ധനമന്ത്രി ഡോ ടി.എം. തോമസ് ഐസക്കാണ് മൊബൈൽ ആപ്ലിക്കേഷൻ പുറത്തിറക്കിയത്. കേരള ജിഎസ്ടി എന്ന പേരിലുള്ള ആപ്പ് ഇപ്പോൾ പ്ലേ സ്റ്റോറിൽ ലഭിക്കും.

ബില്ലിലെ രജിസ്റ്റ‍ർ നമ്പ‍ർ ആപ്പിൽ നൽകിയാൽ വ്യാപാരികളുടെ പേരും കോമ്പോസിഷൻ സ്കീമിൽ ഉൾപ്പെട്ടിട്ടുണ്ടോയെന്നും അറിയാനാകും. കോമ്പോസിഷൻ സ്കീമിൽ ഉൾപ്പെട്ടിട്ടുള്ള വ്യാപാരിയാണെങ്കിൽ ജനം നികുതി നൽകേണ്ട ആവശ്യമില്ല.

ഇതിനായി, ജിഎസ്ടിയുമായി രജിസ്റ്റർ ചെയ്ത എല്ലാ ഡീലർമാരും അവരുടെ 15 അക്ക ജിഎസ്ടി ഐഡന്റിഫിക്കേഷൻ നമ്പർ (ജി.എസ്.ടി.ഐ.എൻ) അവരുടെ ഷോപ്പിന് മുന്നിൽ പ്രദർശിപ്പിക്കേണ്ടതുണ്ട്.

കൂടാതെ ഓരോ ഉത്പന്നങ്ങൾക്കും ജിഎസ്ടി ബാധകമാണോയെന്നും എത്രയാണ് ജിഎസ്ടി എന്നും ഈ ആപ്പ് വഴി കണ്ടെത്താനാകും. ജിഎസ്ടി സംബന്ധിച്ച എല്ലാ വിവരങ്ങളും ഉൾപ്പെടുത്തി വകുപ്പ് പുതിയ വെബ്സൈറ്റും തുടങ്ങിയിട്ടുണ്ട്. www.keralataxes.gov.in എന്നതാണ് വെബ്സൈറ്റ്.

malayalam.goodreturns.in